കണ്ണൂര് ഫര്ണിച്ചര് കണ്സോര്ഷ്യം തെലുങ്കാന സംഘം സന്ദര്ശിക്കും
November 29 | 12:24 AM
കണ്ണൂര് ഫര്ണിച്ചര് കണ്സോര്ഷ്യം തെലുങ്കാന സംഘം സന്ദര്ശിക്കും
കേരളത്തിലെ വടക്ക് കിഴക്കന് മേഖലയില് വ്യാപിച്ചു കിടക്കുന്ന തടി അധിഷ്ഠിത ഫര്ണിച്ചര് വ്യവസായത്തെ കുറിച്ച് സമഗ്രമായി പഠിക്കാന് തെലുങ്കാന സര്ക്കാര് നിയോഗിച്ച കാമറെഡ്ഡി ജില്ലാ വ്യവസായ കേന്ദ്രം ജനറല് മാനേജര് ലാലു നായിക്കിന്റെ നേതൃത്വത്തിലുള്ള സംഘം കണ്ണൂര് സന്ദര്ശിക്കും.
നവംബര് 30ന് എത്തുന്ന സംഘം കണ്ണൂരിലെ ഫര്ണിച്ചര് ക്ലസ്റ്റര് സന്ദര്ശിക്കും. തടി അധിഷ്ഠിത ഫര്ണിച്ചര് ക്ലസ്റ്ററുകളെ മുഴുവന് ഏകോപിച്ച് കണ്ണൂരില് സ്ഥാപിക്കാന് ഉദ്ദേശിക്കുന്ന വുഡന് ഫര്ണിച്ചര് ഹബിനെപ്പറ്റി ജില്ലാ വ്യവസായ കേന്ദ്രം ജനറല് മാനേജര് എസ് ഷിറാസുമായും ചര്ച്ച നടത്തും.
ടെക്നോളജി മാനേജ്മെന്റ് ഡെവലപ്മെന്റ് പ്രോഗ്രാം
വ്യവസായ വാണിജ്യ വകുപ്പ്, ജില്ലാ വ്യവസായ കേന്ദ്രം, ഇന്റര്നാഷണല് ലേബര് ഓര്ഗനൈസേഷന് സംരംഭകത്വ വിഭാഗം, ഫുഡ് ക്രാഫ്റ്റ് ഇന്സ്റ്റിറ്റ്യൂട്ട് എന്നിവ ചേര്ന്ന് ഡിസംബര് 15 മുതല് ഭക്ഷ്യ ഉല്പ്പന്ന നിര്മാണ മേഖലയില് 20 ദിവസത്തെ ടെക്നോളജി മാനേജ്മെന്റ് ഡെവലപ്മെന്റ് പ്രോഗ്രാം സംഘടിപ്പിക്കുന്നു. യോഗ്യത പത്താം ക്ലാസ്. പ്രായം 18നും 45നും ഇടയില്. വനിത/എസ് സി/എസ് ടി, സംരംഭകര് എന്നിവര്ക്ക് മുന്ഗണന. താല്പര്യമുള്ളവര് ഡിസംബര് അഞ്ചിനകം ജില്ലാ വ്യവസായ കേന്ദ്രത്തില് അപേക്ഷ സമര്പ്പിക്കണം. ഫോണ്: 0497 2707522, 9846923064.
കെല്ട്രോണ് ഡിപ്ലോമ കോഴ്സ്
കെല്ട്രോണിന്റെ തലശ്ശേരി നോളജ് സെന്ററില് ഒരു വര്ഷത്തെ പ്രൊഫഷണല് ഡിപ്ലോമ ഇന് ലോജിസ്റ്റിക്സ് ആന്റ് സപ്ലൈ ചെയിന് മാനേജ്മെന്റ് കോഴ്സിലേക്ക് പ്രവേശനം ആരംഭിച്ചു. യോഗ്യത: പ്ലസ്ടു. താല്പര്യമുള്ളവര് തലശ്ശേരി എ വി കെ നായര് റോഡ് സഹാറ സെന്ററിലെ നോളജ് സെന്ററുമായി ബന്ധപ്പെടുക. ഫോണ്: 0490 2321888, 9400096100.
അധ്യാപക കോഴ്സ്
ഹിന്ദി ഡിപ്ലോമ ഇന് എലിമെന്ററി എജ്യുക്കേഷന് അധ്യാപക കോഴ്സിന് അടൂര് സെന്ററില് സീറ്റൊഴിവ്. ഡിസംബര് 12 വരെ അപേക്ഷിക്കാം. യോഗ്യത:അമ്പത് ശതമാനം മാര്ക്കോടെ രണ്ടാം ഭാഷ ഹിന്ദിയായുള്ള പ്ലസ് ടു. ഹിന്ദി ബി എ, എം എ എന്നിവയും പരിഗണിക്കും. പ്രായം 17നും 35നും ഇടയില്. ഉയര്ന്ന പ്രായപരിധിയില് പട്ടികജാതി, പട്ടികവര്ഗക്കാര്ക്ക് അഞ്ച് വര്ഷവും മറ്റ് പിന്നോക്കക്കാര്ക്ക് മൂന്ന് വര്ഷവും ഇളവുണ്ട്. ഫോണ്: 04734296496, 8547126028.
അസാപ്പിലൂടെ അഫിലിയേഷനും അക്രഡിറ്റേഷനും
ട്രെയിനിങ് ഏജന്സികളുടെ അഫിലിയേഷനും അക്രഡിറ്റേഷനും ലഭിക്കുന്നതിന് നെപുണ്യ പരിശീലന കേന്ദ്രള്ക്ക് അസാപ്പില് അപേക്ഷിക്കാം. അതത് പരിശീലന കേന്ദ്രങ്ങളുടെ അംഗീകാരവും അവരുടെ കോഴ്സുകള് അഫിലിയേറ്റ് ചെയ്യുന്ന പ്രക്രിയയും ഇതില് ഉള്പ്പെടും. നൈപുണ്യ വികസനപരിശീലനത്തില് ഒരു വര്ഷത്തെ പ്രവൃത്തി പരിചയവും ഇന്ത്യയില് രജിസ്റ്റേര്ഡ് ഓഫീസും കേരളത്തില് ട്രെയ്നിങ് കേന്ദ്രവുമുള്ളവര്ക്ക് അപേക്ഷിക്കാം. രജിസ്ട്രേഷന് https://tinyurl.com/KSAPknrasap സന്ദര്ശിക്കുക. ഫോണ്: 9495999661, 9495999692. ഇ മെയില്: dpmunitknr@asapkerala.gov.in
റോഡ് അടച്ചിടും
കള്വര്ട്ട് നിര്മാണ പ്രവൃത്തി നടക്കുന്നതിനാല് പയ്യന്നൂര് കാനായി കാനം റോഡ് നവംബര് 29 മുതല് മൂന്നാഴ്ചത്തേക്ക് അടച്ചിടുമെന്ന് എല് എസ് ജി ഡി അസിസ്റ്റന്റ് എഞ്ചിനീയര് അറിയിച്ചു.
ഗതാഗത നിയന്ത്രണം
പുന്നാട് മീത്തലെ പുന്നാട് കാക്കയങ്ങാട് റോഡില് ഉപരിതലം പുതുക്കല് പ്രവൃത്തി നടക്കുന്നതിനാല് നവംബര് 30 മുതല് രണ്ടാഴ്ചത്തേക്ക് വാഹന ഗതാഗതം നിരോധിച്ചു. പുന്നാട് ഭാഗത്തേക്കുള്ള വാഹനങ്ങള് നല്ലൂര് ഓട്ടമരം അല്ലെങ്കില് പാറക്കണ്ടം വഴി പോകണമെന്ന് പൊതുമരാമത്ത് അസി. എഞ്ചിനീയര് അറിയിച്ചു.
ലെവല്ക്രോസ് അടച്ചിടും
താവം-ദാലില് റോഡില് കണ്ണപുരം-പഴയങ്ങാടി സ്റ്റേഷനുകള്ക്കിടയിലുള്ള 256-ാം നമ്പര് ലെവല്ക്രോസ് നവംബര് 29ന് രാവിലെ എട്ട് മണി മുതല് ഡിസംബര് എട്ടിന് രാത്രി എട്ട് മണി വരെ അറ്റകുറ്റപ്പണികള്ക്കായി അടച്ചിടുമെന്ന് സതേണ് റെയില്വെ അസിസ്റ്റന്റ് ഡിവിഷണല് എഞ്ചിനീയര് അറിയിച്ചു.
ഡാറ്റാ എന്ട്രി കോഴ്സ്
എല് ബി എസ് സെന്റര് ഫോര് സയന്സ് ആന്റ് ടെക്നോളജി കണ്ണൂര് മേഖല കേന്ദ്രത്തില് ഡിസംബറില് തുടങ്ങുന്ന ഡാറ്റാ എന്ട്രി ആന്റ് ഓഫീസ് ഓട്ടോമേഷന് കോഴ്സിന് എസ് എസ് എല് സി യോഗ്യതയുള്ളവരില് നിന്നും അപേക്ഷ ക്ഷണിച്ചു. www.lbscentre.kerala.gov.in വഴി ഓണ്ലൈനായി അപേക്ഷ സമര്പ്പക്കാം. ഫോണ്: 0497 2702812.
ക്വട്ടേഷന്
കണ്ണൂര് ഗവ.എഞ്ചിനീയറിങ് കോളേജിലെ ആണ്കുട്ടികളുടെ ഹോസ്റ്റലില് പെയിന്റിങ് ജോലി ചെയ്യാന് ക്വട്ടേഷന് ക്ഷണിച്ചു. ഡിസംബര് എട്ടിന് ഉച്ചക്ക് 12.30 വരെ ക്വട്ടേഷന് സ്വീകരിക്കും. ഫോണ്: 0497 2780226.
പുനര്ലേലം
ഖാദി ഗ്രാമവ്യവസായ ബോര്ഡ് കുടിശിക ഈടാക്കാന് ജപ്തി ചെയ്ത കുറ്റ്യാട്ടൂര് അംശം ദേശത്ത് 0.0445 ഹെക്ടര് സ്ഥലം ഡിസംബര് ആറിന് രാവിലെ 11.30ന് കുറ്റ്യാട്ടൂര് വില്ലേജ് ഓഫീസില് ലേലം ചെയ്യും. കൂടുതല് വിവരങ്ങള് കുറ്റ്യാട്ടൂര് വില്ലേജ് ഓഫീസിലും തളിപ്പറമ്പ താലൂക്ക് ഓഫീസിലും ലഭിക്കും.
ലേലം
ആറളം ഫാമിലെ തെങ്ങുകളില് നിന്നും വിളവ് പ്രതീക്ഷിക്കുന്ന 50000 കരിക്കുകള് ഡിസംബര് ഒന്നിന് വൈകീട്ട് മൂന്ന് മണിക്ക് ലേലം ചെയ്യും. ഫോണ്: 9495792679, 9400855949.
ആറളം ഫാമില് സ്റ്റോക്കുളള 4000 കി.ഗ്രാം ഒട്ടുപാല്/ചിരട്ടപാല് ഡിസംബര് ആറിന് രാവിലെ 11.30ന് ഫാം ഓഫീസില് ലേലം ചെയ്യും. ഫോണ്: 9495792679, 9400855949.
വൈദ്യുതി മുടങ്ങും
പാടിയോട്ടുചാല് ഇലക്ട്രിക്കല് സെക്ഷനിലെ കുണ്ടുവാടി ട്രാന്സ്ഫോര്മര് പരിധിയില് നവംബര് 29ന് രാവിലെ എട്ട് മണി മുതല് വൈകീട്ട് അഞ്ച് വരെ വൈദ്യുതി മുടങ്ങും.