ആർ എസ് എസും സുധാകരനും തമ്മിലുള്ള ബന്ധം നേരത്തെ വ്യക്തമാണ്, സുധാകരന്റെ വെളിപ്പെടുത്തലില് പ്രത്യേകതയില്ലെന്ന് എം വി ഗോവിന്ദൻ
November 9 | 01:56 PM
തിരുവനന്തപുരം: ആർഎസ്എസ് ശാഖകളെ സംരക്ഷിക്കാൻ ആളെ വിട്ടു നൽകിയിട്ടുണ്ടെന്ന കെപിസിസി അധ്യക്ഷൻ കെ. സുധാകരന്റെ വെളിപ്പെടുത്തലിൽ പ്രതികരണവുമായി സിപിഎം സംസ്ഥാന സെക്രട്ടറി എം.വി.ഗോവിന്ദൻ. ഈ കാര്യത്തിൽ തനിക്ക് പ്രത്യേകതയൊന്നും തോന്നുന്നില്ലെന്നും ഇവർ തമ്മിലുള്ള ബന്ധം നേരത്തെതന്നെ വ്യക്തമാണെന്നും അദ്ദേഹം പറഞ്ഞു.
കേരളത്തിലും പ്രത്യേകിച്ച് കണ്ണൂർജില്ലയിൽ ആർഎസ്എസും സുധാകരനും പരസ്പരം സഹകരിച്ചു പോകുകയാണ്. ഇ.പി.ജയരാജനെ വെടിവെച്ച കേസിലെ പ്രധാനപ്പെട്ട രണ്ടു പ്രതികൾ ആർഎസ്എസുകാരാണ്. സുധാകരൻ ഉൾപ്പടെയുള്ളവർ നടത്തിയ ഗൂഢാലോചനയിൽ അവർ ഉപയോഗിച്ചത് ആർഎസ്എസുകാരെയാണെന്ന് പകൽവെളിച്ചം പോലെ വ്യക്തമാക്കപ്പെട്ടതാണെന്നും എം.വി. ഗോവിന്ദൻ പറഞ്ഞു.