കലോത്സവ സ്വാഗതഗാന വിവാദം: ഒരു മതവിഭാഗത്തെ ഭീകരർ ആയി ചിത്രീകരിച്ചത് അന്വേഷിക്കണം; ഉത്തരവാദിത്തം സംസ്ഥാന സർക്കാരിനെന്ന് കെ. മുരളീധരൻ
January 10 | 12:57 PM
തിരുവനന്തപുരം: കലോത്സവ സ്വാഗത ഗാനവുമായി ബന്ധപ്പെട്ട വിവാദത്തിൽ സർക്കാർ തന്നെയാണ് മറുപടി പറയേണ്ടതെന്ന് കെ. മുരളീധരൻ എം.പി. സംസ്ഥാന സർക്കാർ നടത്തിയ പരിപാടി ആര് അന്വേഷിക്കണമെന്നാണ് പറയുന്നത്. ഇത് പ്രധാനമന്ത്രിയോ കേന്ദ്ര സർക്കാരോ അന്വേഷിക്കണം എന്നാണോ പറയുന്നതെന്നും കെ. മുരളീധരൻ ചോദിച്ചു. ഒരു മതവിഭാഗത്തെ ഭീകരർ ആയി ചിത്രീകരിച്ചത് അന്വേഷിക്കുക തന്നെ വേണം. യോഗി ആദിത്യനാഥ് ഭരിക്കുന്ന യു.പിയിൽ അല്ല ഈ സംഭവമുണ്ടായത്. കേരള സർക്കാർ നടത്തിയ പരിപാടിയാണ് കലോത്സവം. അപ്പോൾ അതിന്റെ ഉത്തരവാദിത്വവും സർക്കാരിന് തന്നെയാണെന്നും മുരളീധരൻ വ്യക്തമാക്കി.
സംസ്ഥാന സ്കൂള് കലോത്സവത്തിന്റെ സ്വാഗത ഗാനത്തിന്റെ ദൃശ്യാവിഷ്കാരത്തില് മുസ്ലിം വിരുദ്ധതയുണ്ടെന്ന ആരോപണം വിവിധ കോണുകളില് നിന്ന് ഉയര്ന്നുവന്നിരുന്നു. ഒരു മുസ്ലീം വേഷധാരിയെ ഇതില് തീവ്രവാദിയായി ചിത്രീകരിച്ചിട്ടുണ്ട് എന്ന് ചൂണ്ടിക്കാട്ടിയായിരുന്നു വിമര്ശനങ്ങള്.