'തന്നെ ക്ഷണിക്കുന്ന പരിപാടികളില്‍ പങ്കെടുക്കും'; അതംഗീകാരമായി കാണുന്നു; ശശി തരൂര്‍
November 23 | 05:21 PM
കോഴിക്കോട്: മന്നം ജയന്തിയോട് അനുബന്ധിച്ചുള്ള പരിപാടിയില്‍ പങ്കെടുക്കുന്നതില്‍ വിശദീകരണവുമായി ശശി തരൂര്‍ എം.പി. ക്ഷണിക്കുന്ന പരിപാടികളില്‍ പങ്കെടുക്കും. തന്നെ ക്ഷണിച്ചത് അംഗീകാരമായാണ് കാണുന്നതെന്നും തെറ്റിദ്ധാരണ ഉണ്ടായിട്ടില്ലെന്നും ശശി തരൂര്‍ പറഞ്ഞു. ‘തന്നെ ക്ഷണിക്കുന്ന പരിപാടികളില്‍ പങ്കെടുക്കും. നേതാക്കള്‍ ആവശ്യപ്പെട്ടാല്‍ കാണുകയും ചെയ്യും. തന്റെ ഭാഗത്തുനിന്ന് തെറ്റിദ്ധാരണ ഉണ്ടായിട്ടില്ല. മന്നം ജയന്തിക്ക് പങ്കെടുത്താല്‍ ആര്‍ക്കാണ് ദോഷം? തന്നെ ക്ഷണിച്ചത് അംഗീകാരമായി കാണുന്നു. 2024ല്‍ മത്സരിക്കുമോ എന്ന് പാര്‍ട്ടി തീരുമാനിക്കും. വിമാനത്തില്‍ വച്ച് വി.ഡി സതീശനെ കണ്ട് ഹലോ പറഞ്ഞെങ്കിലും സംസാരിക്കാന്‍ സാധിച്ചില്ല’- ശശി തരൂര്‍ പറഞ്ഞു.
