കുട്ടനാട്ടിലെ സിപിഎം വിഭാഗീയത; മൂന്നിടത്ത് പ്രവർത്തകർ തമ്മിൽ ഏറ്റുമുട്ടി; ആറുപേർ ഗുരുതര പരിക്കോടെ ആശുപത്രിയിൽ; അഞ്ചുപേർ അറസ്റ്റിൽ
February 13 | 10:34 AM
ആലപ്പുഴ: കുട്ടനാട്ടിലെ സിപിഎം വിഭാഗീയത സംഘർഷത്തിൽ കലാശിച്ചു. ഔദ്യോഗിക വിഭാഗവും വിമത പക്ഷവും മൂന്നിടത്ത് ഏറ്റുമുട്ടി. നേതാക്കളടക്കം ആറുപേർക്ക് ഗുരുതരമായി പരിക്കേറ്റു. ഇന്നലെ രാത്രിയാണ് സംഭവം.
രാമങ്കരി ലോക്കൽ കമ്മിറ്റിയംഗം ശരവണൻ, ഡിവൈഎഫ്ഐ മേഖലാ സെക്രട്ടറി രഞ്ജിത് രാമചന്ദ്രൻ എന്നിവർ ഉൾപ്പെടെയുള്ളവർക്കാണ് പരിക്കേറ്റത്. തലയ്ക്ക് പരിക്കേറ്റ ഇവരെ ആശുപത്രിയിലേക്ക് മാറ്റി.
കമ്പിവടിയും കല്ലും ഉപയോഗിച്ചാണ് ആക്രമിച്ചത്. സംഭവത്തിൽ 5 പേരെ പോലീസ് അറസ്റ്റ് ചെയ്തു.