ശബരിമലയിൽ തിരക്ക് തുടരുന്നു; ദേവസ്വം മന്ത്രിയുടെ നേതൃത്വത്തിൽ പമ്പയിൽ ഇന്ന് അവലോകനയോഗം
December 15 | 09:28 AM
ശബരിമല: ശബരിമല തീർത്ഥാടനം അവലോകനം ചെയ്യാൻ ദേവസ്വം മന്ത്രി കെ രാധാകൃഷ്ണന്റെ നേതൃത്വത്തിൽ പമ്പയിൽ ഇന്ന് അവലോകനയോഗം ചേരും. തദ്ദേശസ്വയംഭരണ വകുപ്പ് മന്ത്രി എം.ബി രാജേഷും ഇന്ന് പമ്പയിലെത്തി സ്ഥിതിഗതികൾ വിലയിരുത്തും. ശബരിമലയിൽ ക്രമാതീതമായി തിരക്ക് വർധിച്ച പാശ്ചാത്തലത്തിൽ പൊലീസ് ഏർപ്പെടുത്തിയ ക്രമീകരണങ്ങൾ ഡിജിപി വിലയിരുത്തും. 82,365 ഭക്തരാണ് ഓൺലൈൻ വഴി ഇന്ന് ദർശനത്തിനായി ബുക്ക് ചെയ്തിരിക്കുന്നത്. തീർത്ഥാടനവുമായി ബന്ധപ്പെട്ട് തദ്ദേശ സ്വയംഭരണ സ്ഥാപനങ്ങളുടെ പ്രവർത്തനം വിലയിരുത്താൻ റാന്നിയിൽ മന്ത്രി യോഗം വിളിച്ചിട്ടുണ്ട്. ഇന്ന് പമ്പയിൽ എത്തുന്ന സംസ്ഥാന പോലീസ് മേധാവി അനിൽകാന്ത് ശബരിമലയും സന്ദർശിക്കും. ക്രമാതീതമായി തിരക്ക് വർധിച്ച പാശ്ചാത്തലത്തിൽ പൊലീസ് ഏർപ്പെടുത്തിയ ക്രമീകരണങ്ങൾ ഡിജിപി വിലയിരുത്തും.