നാളെ രാത്രി 11 മണി മുതൽ താമരശ്ശേരി ചുരത്തില് ഗതാഗത നിയന്ത്രണം
December 21 | 10:33 AM
വയനാട്: ഡിസംബര് 22 ന് രാത്രി 11 മണി മുതല് താമരശ്ശേരി ചുരത്തില് ഗതാഗത നിയന്ത്രണമേര്പ്പെടുത്തുമെന്ന് ജില്ലാ കളക്ടര്. ഇന്ഡസ്ട്രിയല് ഫില്ട്ടര് ഇന്റര് ചേംബര് വഹിക്കുന്ന എച്ച്ജിബി ഗൂണ്സ് ട്രക്കുകള് താമരശ്ശേരി ചുരം വഴി പോകുന്നതിനാലാണ് നിയന്ത്രണം ഏർപ്പെടുത്തുന്നത്. ട്രക്കുകള് ചുരം വഴി വയനാട്ടിലൂടെ കര്ണാടകയിലെ നഞ്ചന്കോട് പോകാന് അനുമതി നല്കിയതിനാല് ഡിസംബര് 22 ന് രാത്രി 11 മണി മുതല് അടിവാരം മുതല് ചുരം വഴി വയനാട് ജില്ലയിലേക്കും തിരിച്ചും മറ്റു വാഹനങ്ങള്ക്ക് കര്ശന നിരോധനം ഏര്പ്പെടുത്തിയതായി ജില്ലാ കളക്ടര് അറിയിച്ചു. പൊതുജനങ്ങള് പ്രസ്തുത സമയം ഇതുവഴിയുള്ള യാത്രയ്ക്ക് ബദല് മാര്ഗം സ്വീകരിക്കേണ്ടതാണ്.