കേരള ബജറ്റ് 2023: സംസ്ഥാനത്തെ ഹെൽത്ത് ഹബ്ബായി മാറ്റിയെടുക്കും; സുരക്ഷിത ഭക്ഷണം ഉറപ്പാക്കാൻ 7 കോടി
February 3 | 09:30 AM
തിരുവനന്തപുരം: സംസ്ഥാനത്തെ ഹെൽത്ത് ഹബ്ബായി മാറ്റിയെടുക്കുമെന്ന് ധനമന്ത്രി കെഎന് ബാലഗോപാൽ. ആരോഗ്യ പരിചരണത്തിന് 30 കോടി ബജറ്റിൽ മാറ്റിവെച്ചു. പേ വിഷത്തിനെതിരെ തദ്ദേശിയമായി വാക്സിൻ വികസിപ്പിക്കാൻ അഞ്ചു കോടി അനുവദിച്ചു. ആരോഗ്യ മേഖലയ്ക്കായി 2828.33 കോടി അനുവദിക്കുമെന്ന് ധനമന്ത്രി വ്യക്തമാക്കി.
സുരക്ഷിത ഭക്ഷണം ഉറപ്പാക്കാൻ ഏഴു കോടി ബജറ്റിൽ അനുവദിച്ചു. ലൈഫ് സപ്പോർട്ട് ആംബുലൻസിന് 75 കോടി. ഹോമിയോ ശാക്തീകരിക്കാൻ 25.15 കോടി അനുവദിച്ചു. തലശേരിയിൽ ജനറൽ ആശുപത്രി മാറ്റി സ്ഥാപിക്കാൻ 10 കോടി ബജറ്റിൽ അനുവദിച്ചു.