ത്രിപുര തെരഞ്ഞെടുപ്പോടെ സിപിഎമ്മിന് അന്ത്യമാകുമെന്ന് ബിജെപി നേതാവ് ബിപ്ലബ് ദേബ്
February 10 | 08:32 AM
അഗർത്തല: ത്രിപുരയിലെ ഈ തെരഞ്ഞെടുപ്പോടെ സിപിഎമ്മിന് അന്ത്യമാകുമെന്ന് മുന് ബിജെപി മുഖ്യമന്ത്രി ബിപ്ലബ് ദേബ്. കേരളത്തിൽ പിണറായി വിജയന് രണ്ടാമതും മുഖ്യമന്ത്രിയായത് സിപിഎമ്മിന്റെ ശക്തിയായി കാണാനാകില്ല. എല്ഡിഎഫിലെ മറ്റ് പാര്ട്ടികളുടെ പിന്തുണ ഉള്ളതിനാലാണ് വീണ്ടും അധികാരത്തിൽ വന്നതെന്ന് അദ്ദേഹം ചൂണ്ടിക്കാട്ടി. കമ്യൂണിസ്റ്റുകാർ വികസന വിരുദ്ധർ ആണ്. പാവപ്പെട്ടവരുണ്ടെങ്കിലേ പ്രശ്നങ്ങളുണ്ടെങ്കിലെ കമ്യൂണിസ്റ്റുകാർക്ക് സമരം ചെയ്യാനാകൂ.
ബിജെപിയുടെ രാഷ്ട്രീയം വികസനമാണ്. ത്രിപുരിയല് കോണ്ഗ്രസ് പോസ്റ്റർ മാത്രം ആണുള്ളത്. സിപിഎം- കോണ്ഗ്രസിലെ നേതൃത്വത്തില് ഇരിക്കുന്നവർക്ക് അധികം ആയുസ്സ് ഇല്ല. താന് ചെറുപ്പമാണ്. ത്രിപുരയിലെ ജനങ്ങള്ക്കായി പ്രവർത്തിക്കാനാണ് ആഗ്രഹമെന്നും ബിപ്ലബ് അഗർത്തലയില് പറഞ്ഞു.