കണ്ടല സഹകരണ ബാങ്ക് തട്ടിപ്പ് ഭാസുരാംഗനെതിരെ നടപടിയെടുത്ത് സിപിഐ
November 9 | 05:27 PM
തിരുവനന്തപുരം: കണ്ടല സഹകരണ ബാങ്ക് തട്ടിപ്പ് കേസില് ആരോപണ വിധേയനായ സിപിഐ നേതാവും ബാങ്ക് മുന് പ്രസിഡന്റുമായ എസ്. ഭാസുരാംഗനെതിരെ നടപടി എടുത്ത് സിപിഐ നേതൃത്വം. ഭാസുരാംഗനെ സിപിഐയുടെ പ്രാഥമിക അംഗത്വത്തില്നിന്ന് പുറത്താക്കികൊണ്ടാണ് നടപടി. ഇന്ന് ചേര്ന്ന ജില്ല എക്സിക്യൂട്ടീവ് യോഗത്തിലാണ് ഭാസുരാംഗനെ പാര്ട്ടിയില്നിന്ന് പുറത്താക്കുന്നതിനുള്ള തീരുമാനമെടുത്തത്.
ഭാസുരാംഗനെ സിപിഐയുടെ പ്രാഥമിക അംഗത്വത്തില്നിന്ന് പുറത്താക്കിയതായി ജില്ല എക്സിക്യൂട്ടീവ് യോഗത്തിനുശേഷം സിപിഐ തിരുവനന്തപുരം ജില്ലാ സെക്രട്ടറി മാങ്കോട് രാധാകൃഷ്ണനാണ് അറിയിച്ചത്. ഒരു വര്ഷമായി ഭാസുരാംഗനെ സംരക്ഷിച്ച പാര്ട്ടിയാണ് ഒടുവില് കൈവിട്ടത്.
അതേസമയം, കണ്ടല സഹകരണ ബാങ്ക് തട്ടിപ്പ് കേസില് ഇഡിയുടെ പരിശോധന 26 മണിക്കൂര് പിന്നിട്ടു. പൂജപ്പുരയിലെ ഭാസുരാംഗന്റെ വീട്ടിലെ പരിശോധനക്കുശേഷം കണ്ടലയിലെ വീട്ടിലാണ് പരിശോധന തുടരുന്നത്. ഭാസുരാംഗനില്നിന്ന് വിവരങ്ങള് തേടുന്നത് തുടരുകയാണ് ഇഡി.