March 12 | 11:05 AM

ഇടുക്കി: ഇടുക്കിയിൽ വീണ്ടും കാട്ടാന ആക്രമണം. അരിക്കൊമ്പൻ്റെ ആക്രമണത്തിൽ പന്നിയാർ എസ്റ്റേറ്റിലെ കാൻ്റീൻ തകർന്നു. കാൻ്റീൻ നടത്തിപ്പുകാരനായ എഡ്വിൻ തലനാരിഴയ്ക്കാണ് രക്ഷപ്പെട്ടത്. ശനിയാഴ്ച രാത്രിയിലായിരുന്നു സംഭവം.സംഭവ സമയത്ത് എഡ്വിൻ മാത്രമാണ് കാൻ്റീനിൽ ഉണ്ടായിരുന്നത്. അരിക്കൊമ്പനെ കണ്ട് എഡ്വിൻ ഓടി രക്ഷപ്പെടാൻ ശ്രമിച്ചെങ്കിലും കാട്ടാന പുറകേയെത്തി ആക്രമിക്കാൻ ശ്രമിച്ചു. തൊട്ടടുത്തുണ്ടായിരുന്ന ലയത്തിൽ കയറിയാണ് എഡ്വിൻ രക്ഷപ്പെട്ടത്. പന്നിയാ‍‍ർ എസ്റ്റേറ്റിൽ റേഷൻ കട പല തവണ അരിക്കൊമ്പൻ ആക്രമിച്ചിട്ടുണ്ട്. കാട്ടാനയുടെ ആക്രമണത്തിൽ നിന്ന് രക്ഷപ്പെടുന്നതിനായി റേഷൻ കടക്ക് ചുറ്റും ഇലക്ട്രിക് ഫെൻസിംഗ് ത്തിയിട്ടുണ്ട്. ഇതിന് അടുത്തുള്ള ലേബ‍ർ കാ ന്റീനിലായിരുന്നു ആക്രമണം നടത്തിയത്.ശബ്ദം കേട്ടെത്തിയ തൊഴിലാളികളാണ് കാട്ടാനയെ തുരത്തിയത്.