November 5 | 11:22 AM

തിരുവനന്തപുരം: ഷാരോണ്‍ കൊലപാതകത്തിലെ പ്രതി ഗ്രീഷ്മയുടെ  പോലീസ് സീല്‍ ചെയ്ത വീട്ടിൽ ആരോ കയറിയതായി റിപ്പോർട്ട്. സീല്‍ തകര്‍ത്ത് വാതില്‍ തുറന്നാണ് വീടിനുള്ളില്‍ കയറിയിരിക്കുന്നത്.

കൊലപാതകം നടന്ന തമിഴ്‌നാട് രാമവര്‍മന്‍ചിറയിലെ വീട്ടിലാണ് ആരോ അതിക്രമിച്ചു കയറിയിരിക്കുന്നത്. സ്ഥലത്ത്  പോലീസ് പരിശോധന തുടരുകയാണ്. ഷാരോണ്‍ വധക്കേസ് അന്വേഷിക്കുന്ന പാറശാല പോലീസും ഇവിടേയ്ക്ക് തിരിച്ചിട്ടുണ്ട്. 

തെളിവുനശിപ്പിക്കാന്‍ മനപ്പൂർവം ആരോ കയറിയതായി സംശയിക്കുന്നു. ആരെങ്കിലും മോഷ്ടിക്കാൻ കയറിയതാണോ എന്ന സംശയവുമുണ്ട്.