ക്രിസ്മസ്-ന്യൂയർ ആഘോഷങ്ങൾ എത്തും മുമ്പേ പരിശോധനകൾ കർശനമാക്കി എക്സൈസ്
December 1 | 09:10 AM
കൊച്ചി: ഡിസംബർ മാസാരംഭത്തിൽ തന്നെ ക്രിസ്മസ്-ന്യൂയർ ആഘോഷങ്ങളിൽ പരിശോധനകൾ കർശനമാക്കി എക്സൈസ്. ഡിജെ പാർട്ടികൾ നടക്കുന്ന സ്ഥലങ്ങളിൽ പരിശോധ ഉണ്ടാകും. ആവശ്യമായ മുന്നൊരുക്കങ്ങൾ സ്വീകരിച്ചുവെന്ന് എറണാകുളം ഡെപ്യൂട്ടി എക്സൈസ് കമ്മിഷണർ ആർ ജയചന്ദ്രൻ ട്വന്റിഫോറിനോട് പറഞ്ഞു. ആഘോഷങ്ങളെ മറയാക്കി ലഹരി ഉപയോഗം ഉണ്ടോ എന്നും പരിശോധിക്കും. ആഘോഷവേള ലഹരി വിമുക്തമാക്കുകയാണ് പരിശോധന യുടെ ലക്ഷ്യം. അതിർത്തികളിലും വാഹന പരിശോധനകൾ ഊർജിതമാക്കും. വലിയ ആഘോഷങ്ങൾ നടക്കുന്ന മട്ടാഞ്ചേരി, ഫോർട്ട് കൊച്ചി ഭാഗങ്ങളിൽ നിരീക്ഷണം കർശനമാക്കിയിട്ടുണ്ടെന്നും അദ്ദേഹം വ്യക്തമാക്കി.