തലശേരി ഇരട്ടക്കൊലപാതകം: മൂന്ന് പേര് കസ്റ്റഡിയിൽ; മുഖ്യ പ്രതിക്കായി തെരച്ചില്
November 24 | 07:35 AM
കണ്ണൂർ: തലശ്ശേരി ഇരട്ടക്കൊലപാതക കേസില് മൂന്നുപേര് കസ്റ്റഡിയില്. തലശ്ശേരി സ്വദേശികളായ ജാക്സണ്, ഫര്ഹാന്, നവീന് എന്നിവരെയാണ് പൊലീസ് കസ്റ്റഡിയിലെടുത്തത്. പ്രധാന പ്രതി പാറായി ബാബുവിനായി പൊലീസിൻ്റെ ഊര്ജിതമായ തെരച്ചിലാണ് നടക്കുന്നത്. ലഹരി വില്പ്പന തടഞ്ഞതിനുള്ള വിരോധമാണ് കൊലയ്ക്ക് പിന്നിലെന്ന് പൊലീസ് പറയുന്നു. സിപിഐഎം പ്രവര്ത്തകനായ ഷമീര്, ഖാലിദ് എന്നിവരാണ് കുത്തേറ്റു മരിച്ചത്.
ഷമീറിന്റെ മകനും ലഹരി മാഫിയ സംഘത്തെ ചോദ്യം ചെയ്തിരുന്നു. ഇതിലുണ്ടായ വൈരാഗ്യമാണ് കൊലപാതകതത്തിന് കാരണമെന്നാണ് പൊലീസിന്റെ പ്രാഥമിക നിഗമനം. തലശേരി സിറ്റി സെന്ററിന് അടുത്ത് വച്ച് ഇന്നലെ വൈകിട്ട് നാലരയോടെയാണ് സംഭവമുണ്ടായത്. ഷമീറിന്റെ മകനെ കഴിഞ്ഞ ദിവസം ലഹരി മാഫിയ സംഘത്തിലെ ജാക്സണ് എന്നയാള് മര്ദിച്ചിരുന്നു. പാറായി ബാബു, ജാക്സണ് എന്നിവരാണ് കൊലപാതക സംഘത്തിലുണ്ടായിരുന്നന്ന് ചികിത്സയില് കഴിയുന്ന ഷെനീബ് പൊലീസിന് മൊഴി നല്കിയിരുന്നു.