എതിരില്ലാത്ത മൂന്നു ഗോളുകൾക്ക് നോർത്ത് ഈസ്റ്റിനെ തകർത്ത് ബ്ലാസ്റ്റേഴ്സ്
November 6 | 07:47 AM
ഗുവാഹത്തി: ഇന്ത്യന് സൂപ്പര് ലീഗില് കേരള ബ്ലാസ്റ്റേഴ്സിനു വിജയം. നോര്ത്ത് ഈസ്റ്റ് യുനൈറ്റഡിനെതിരായ മത്സരത്തില് എതിരില്ലാത്ത മൂന്ന് ഗോളിനായിരുന്നു ബ്ലാസ്റ്റേഴ്സിന്റെ ജയം. രണ്ടാം പകുതിയിൽ സഹല് അബ്ദുസമദിന്റെ ഇരട്ട ഗോളാണ് ബ്ലാസ്റ്റേഴ്സിന് വിജയമൊരുക്കിയത്. ദിമിത്രിയോസ് ദിയമന്റകോസാണ് ഒരു ഗോള് നേടിയത്. ജയത്തോടെ ബ്ലാസ്റ്റേഴ്സ് ഏഴാം സ്ഥാനത്തേക്ക് കയറി. മഞ്ഞപ്പടയുടെ രണ്ടാം വിജയമാണിത്. അഞ്ചാം മത്സരവും തോറ്റ നോര്ത്ത് ഈസ്റ്റ് അവസാന സ്ഥാനത്താണ്. അടുത്ത ഞായറാഴ്ച്ച കൊച്ചിയില് ശക്തരായ എഫ് സി ഗോവയ്ക്കെതിരെയാണ് ബ്ലാസ്റ്റേഴ്സിന്റെ അടുത്ത മത്സരം. പോയിന്റ് പട്ടികയില് രണ്ടാമതാണ് ഗോവ.
ഹൈദരാബാദിന് ജയം
ഹൈദരാബാദ്: എഫ്സി ഗോവയ്ക്കെതിരായ മത്സരത്തില് ഹൈദരാബാദ് എഫ്സിക്ക് ജയം. എതിരില്ലാത്ത ഒരു ഗോളിനായിരുന്നു ഹൈദരാബാദിന്റെ ജയം. 18-ാം മിനിറ്റില് ഹാവിയര് സിവേരിയോയാണ് ഗോള് നേടിയത്. ജയത്തോടെ നിലവിലെ ചാംപ്യന്മാരായ ഹൈദരാബാദ് ഒന്നാംസ്ഥാനം നിലനിര്ത്തി. അഞ്ച് മത്സരങ്ങളില് 13 പോയിന്റാണ് ഹൈദരാബാദിനുള്ളത്.