ലോകകപ്പ്: ഫ്രാൻസിന് കനത്ത തിരിച്ചടി; സൂപ്പർ സ്ട്രൈക്കർ കരിം ബെൻസേമ കളിക്കില്ല
November 20 | 08:28 AM
ദോഹ: ഖത്തർ ലോകകപ്പിന് പന്തുരുളാന് മണിക്കൂറുകള് മാത്രം ബാക്കി നില്ക്കെ നിലവിലെ ലോക ചാമ്പ്യന്മാരായ ഫ്രാൻസിന് കനത്ത തിരിച്ചടി. ടീമിന്റെ സൂപ്പർ സ്ട്രൈക്കർ കരിം ബെൻസേമ ലോകകപ്പിൽ കളിക്കില്ലെന്ന വാര്ത്തയാണ് ഫുട്ബോള് പ്രേമികളെ ഞെട്ടിച്ചത്. പരിശീലനത്തിനിടെ ഇടതുതുടയിലേറ്റ പരുക്കാണ് താരത്തിനും ടീമിനും തിരിച്ചടിയായത്.
മൂന്നാഴ്ചയെങ്കിലും വിശ്രമം വേണ്ടിവരുമെന്ന് ഡോക്ടർമാർ അറിയിച്ചതോടെയാണ് ബെൻസേമയുടെ പിന്മാറ്റം. ഫ്രഞ്ച് ഫുട്ബോള് അസോസിയേഷനും താരത്തിന് ലോകകപ്പ് നഷ്ടമാകുമെന്ന് ഔദ്യോഗികമായി അറിയിച്ചു. ഈ വർഷത്തെ ബാലൻ ഡി ഓർ പുരസ്കാര ജേതാവാണ് ബെൻസേമ.