സംസ്ഥാനത്ത് ഹോട്ടല് പാഴ്സലുകളില് ഇന്നുമുതല് സ്റ്റിക്കര് നിര്ബന്ധം
February 1 | 10:41 AM
തിരുവനന്തപുരം: സംസ്ഥാനത്ത് ഭക്ഷ്യവിഷബാധയേല്ക്കുന്ന സംഭവങ്ങള് വര്ധിച്ചുവരുന്ന പശ്ചാത്തലത്തില് ഭക്ഷണം എത്രസമയത്തിനുള്ളില് കഴിക്കണമെന്ന് വ്യക്തമാക്കുന്ന സ്ലിപ്പോ, സ്റ്റിക്കറോ പാഴ്സല് ഭക്ഷണങ്ങളില് ഇന്നുമുതല് നിര്ബന്ധം. അതിനിടെ ബുധന് മുതല് ഭക്ഷ്യ സുരക്ഷാ വകുപ്പിന്റെ ശക്തമായ പരിശോധന തുടരുമെന്ന് അധികൃതര് അറിയിച്ചു.
ഭക്ഷണശാലകളില് വൃത്തിയുള്ള ഭക്ഷണം ഉറപ്പാക്കാന്, ഭക്ഷണം കൈകാര്യം ചെയ്യുന്ന സ്ഥാപനങ്ങളില് മുഴുവന് ജീവനക്കാരും 15നകം ഹെല്ത്ത് കാര്ഡ് എടുക്കണം. ഹെല്ത്ത് കാര്ഡ് എടുക്കാനുള്ള ആളുകളുടെ തിരക്കും കൂടുതല് സമയം അനുവദിക്കണമെന്ന സ്ഥാപന ഉടമകളുടെ ആവശ്യവും പരിഗണിച്ച് ഹെല്ത്ത് കാര്ഡ് എടുക്കാന് രണ്ടാഴ്ച കൂടി സാവകാശം അനുവദിക്കുകയായിരുന്നു. പരിശോധനയില് കാര്ഡില്ലാത്തവരെ കണ്ടെത്തിയാല് ലൈസന്സ് റദ്ദാക്കും.