ബിജെപി നിയമസഭാ കക്ഷി യോഗം ഇന്ന്; ഗുജറാത്ത് മന്ത്രിസഭാ രൂപീകരണം ചർച്ചയാകും
December 10 | 07:34 AM
അഹമ്മദാബാദ്: ഗുജറാത്തില് ബിജെപി നിയമസഭാ കക്ഷി യോഗം ഇന്ന് ചേരും. രാവിലെ 10.30ന് ഗാന്ധിനഗറിലെ ബിജെപി സംസ്ഥാന കാര്യാലയമായ ശ്രീ കമലത്തിലാണ് യോഗം.
രാജ്നാഥ് സിംഗ് അടക്കമുള്ള നിരീക്ഷകരുടെ സാന്നിധ്യത്തിലാണ് യോഗം ചേരുക. നിയമസഭ കക്ഷി നേതാവായി ഭൂപേന്ദ്രഭായ് പട്ടേലിനെ തെരഞ്ഞെടുക്കും. മന്ത്രിസഭാ രൂപീകരണമടക്കമുള്ള ചര്ച്ചകളും ഇന്ന് ഗാന്ധിനഗറില് നടക്കും. നിലവിലെ ആഭ്യന്തര മന്ത്രിയും മോദി-ഷാ ദ്വയങ്ങളുടെ പ്രിയങ്കരനുമായ ഹര്ഷ് സാംഗ്വി ഉപമുഖ്യമന്ത്രിയാകുമെന്ന് വിലയിരുത്തലുകളുണ്ട്. പാര്ട്ടി നിയമസഭാസാമാജികരിലെ യുവപ്രാധിനിത്യം കണക്കിലെടുത്ത് മന്ത്രിസഭയിലേക്ക് പുതുമുഖങ്ങളെയും പരിഗണിക്കുന്നുണ്ടെന്നാണ് വിവരം.