മേഴ്സിക്കുട്ടൻ സ്പോർട്സ് കൗൺസിൽ പ്രസിഡന്റ് സ്ഥാനം രാജിവച്ചു; മുൻ ഇന്ത്യൻ ഫുട്ബോൾ താരം യു. ഷറഫലി പുതിയ പ്രസിഡന്റാകും
February 6 | 09:48 PM
തിരുവനന്തപുരം: മേഴ്സിക്കുട്ടന് സ്പോര്ട്സ് കൗണ്സില് പ്രസിഡന്റ് സ്ഥാനം രാജിവെച്ചു. പ്രസിഡന്റിനൊപ്പം സ്റ്റാന്ഡിങ് കമ്മിറ്റി അംഗങ്ങളും രാജിവെച്ചിട്ടുണ്ട്. രാജി കായിക മന്ത്രി സ്വീകരിച്ചു. മുന് ഇന്ത്യന് ഫുട്ബോള് താരം യു. ഷറഫലിയെ പുതിയ പ്രസിഡന്റായി സർക്കാർ നാമനിർദേശം ചെയ്തു.
പത്തു വര്ഷത്തോളം തുടര്ച്ചയായി ഇന്ത്യന് ടീമിനെ പ്രതിനിധീകരിച്ചിട്ടുള്ള യു ഷറഫലി 5 തവണ നെഹ്റുകപ്പിലും 3 തവണ സാഫ് കപ്പിലും ഒരു തവണ ഏഷ്യാ കപ്പിലും ദേശീയ ടീമിനായി കളിച്ചു. ലെബനണില് നടന്ന പ്രീവേള്ഡ് കപ്പ് മത്സരത്തിലും ഇന്ത്യയ്ക്കായി കളിച്ചു. മലപ്പുറം അരീക്കോട് തെരട്ടമ്മല് സ്വദേശിയായ ഷറഫലി കലിക്കറ്റ് യുണിവേഴ്സിറ്റി, കേരളാ പൊലീസ് ടീമുകളിലൂടെയാണ് ശ്രദ്ധേയനായത്.
ഒൻപത് തവണ കേരളത്തിനായി സന്തോഷ് ട്രോഫിയിലും 2 തവണ ദേശീയ ഗെയിംസിലും കളിച്ചു. കേരളാ പൊലീസില് 36 വര്ഷത്തെ സേവനത്തിനു ശേഷം എം എസ് പി കമാണ്ടന്റായാണ് വിരമിച്ചത്. തുടര്ന്ന് ഫുട്ബോള് പരിശീലകന് എന്ന നിലയിലും സംഘാടകനായും സജീവമാണ്.