ട്രെയിനിലെ ആക്രമണം: പ്രതിയുടെ രേഖാചിത്രം തയ്യാറാക്കുന്നു; പൊലീസ് അന്വേഷണം ഊർജ്ജിതമാക്കി
April 3 | 12:31 PM
കോഴിക്കോട്: ആലപ്പുഴ- കണ്ണൂർ എക്സിക്യൂട്ടീവ് ട്രെയിനിൽ ഇന്നലെ രാത്രി ആക്രമണം നടത്തിയ വ്യക്തിക്കായി പോലീസ് പരിശോധന ഊർജ്ജിതമാക്കി. പ്രതിയുടെ രേഖാചിത്രം തയ്യാറാക്കും. നിർണായക സാക്ഷി റാസിക്കിൻറെ സഹായത്തോടെയാണ് രേഖാചിത്രം തയ്യാറാക്കുന്നത്. പ്രതി ഇതര സംസ്ഥാന തൊഴിലാളി എന്നാണ് സൂചന. എലത്തൂർ പോലീസ് സ്റ്റേഷനിലാണ് രേഖാചിത്രം തയ്യാറാക്കുന്നത്. 25 വയസ്സുള്ള വ്യക്തിയാണ് ആക്രമണം നടത്തിയതെന്നാണ് സൂചന. പ്രതിയെ കണ്ടെത്താൻ പൊലീസ് ഊർജിതമായ അന്വേഷണം നടത്തുകയാണ്. ഫോറൻസിക് പരിശോധന പൂർത്തിയായി. വിരലടയാളങ്ങൾ ശേഖരിച്ചു. കണ്ടെത്തിയ വസ്തുക്കൾ ശാസ്ത്രീയ പരിശോധനക്ക് അയക്കും. കേന്ദ്ര ആഭ്യന്തരമന്ത്രാലയം സംഭവം പരിശോധിക്കും.എൻ ഐ എ യും അക്രമത്തെക്കുറിച്ച് അന്വേഷിക്കും.