ഹിമാചലിലെ ഏക സിറ്റിങ് സീറ്റിൽ സിപിഎം സ്ഥാനാർഥി മൂന്നാമത്; ജയിച്ചത് കോൺഗ്രസ്
December 8 | 12:49 PM
ഷിംല: ഹിമാചൽ പ്രദേശിലെ ഏക സിറ്റിങ് സീറ്റായ തിയോഗിൽ സിപിഎം സ്ഥാനാർത്ഥി രാകേഷ് സിൻഹ മൂന്നാം സ്ഥാനത്തേക്ക് പിന്തള്ളപ്പെട്ടു. തിയോഗ് ഉൾപ്പെടെ 11 സീറ്റുകളിലാണ് സിപിഎം ഇവിടെ മത്സരിച്ചത്. തിയോഗിൽ കോൺഗ്രസ് സ്ഥാനാർഥി കുല്ദീപ് സിങ് റാഥോർ ആണ് വിജയിച്ചത്. കോൺഗ്രസ് സ്ഥാനാർഥി 13970ഓളം വോട്ടുകൾ നേടിയാണ് മുന്നിലെത്തിയത്. ബി.ജെ.പി സ്ഥാനാർഥി അജയ് ശ്യാം 10576 വോട്ട് നേടി രണ്ടാം സ്ഥാനത്തെത്തി. രാകേഷ് സിൻഹക്ക് 9879 വോട്ടാണ് ലഭിച്ചത്. 1977 മുതലുള്ള ചരിത്രമെടുത്താല് ഒരേയൊരു തവണ മാത്രമായിരുന്നു സിപിഎം ഈ മണ്ഡലത്തില് വിജയിച്ചത്. കഴിഞ്ഞ തവണ രാജേഷ് സിന്ഹയുടെ വിജയത്തിന് വഴിവച്ചത്, കോണ്ഗ്രസ് നേതൃത്വത്തില് നിന്ന് അദ്ദേഹത്തിന് ലഭിച്ച സഹായം ആയിരുന്നു എന്നൊരു ആക്ഷേപമുണ്ടായിരുന്നു.