രാഹുൽ ഗാന്ധി ഇന്ന് വയനാട്ടിൽ എത്തും
February 12 | 09:19 AM
കൽപ്പറ്റ: രാഹുൽ ഗാന്ധി എംപി ഇന്ന് വയനാട്ടിലെത്തും. ഭാരത് ജോഡോ യാത്രയ്ക്ക് ശേഷം ആദ്യമായാണ് രാഹുൽ മണ്ഡലത്തിൽ എത്തുന്നത്. 10ന് കളക്ടറേറ്റിൽ നടക്കുന്ന വിവിധ യോഗങ്ങളിൽ അദ്ദേഹം പങ്കെടുക്കും.
കരിപ്പൂർ വിമാനത്താവളത്തിൽ രാത്രി എട്ട് മണിയ്ക്ക് എത്തുന്ന രാഹുൽ ഗാന്ധിയെ നേതാക്കളും പ്രവർത്തകരും ചേർന്ന് സ്വീകരിക്കും. തുടർന്ന് മണ്ഡല സന്ദർശനത്തിനായി വയനാട്ടിലേക്ക് തിരിക്കും. തിങ്കളാഴ്ച രാവിലെ മുണ്ടേരി മണിയങ്കോട് കോണ്ഗ്രസ് നിര്മിച്ചു നല്കുന്ന വീട്ടില് രാഹുൽ ഗാന്ധി സന്ദര്ശനത്തിനെത്തും.
കടുവയുടെ ആക്രമണത്തിൽ കൊല്ലപ്പെട്ട കർഷകൻ പുതുശ്ശേരി തോമസിന്റെ വീടും അദ്ദേഹം സന്ദർശിക്കും. തുടർന്ന് വൈകിട്ട് മീനങ്ങാടിയിൽ നടക്കുന്ന പൊതുസമ്മേളനത്തിൽ പങ്കെടുക്കും. കോൺഗ്രസിന്റെ ‘കൈത്താങ്ങ് ‘ പദ്ധതി പ്രകാരം നിർമിച്ച 25 വീടുകളുടെ താക്കോൽ ദാനവും രാഹുൽ ഗാന്ധി നിർവഹിക്കും.