തെരഞ്ഞെടുപ്പിന് മുന്നോടിയായി സിപിഎം മോഡല് ഗൃഹ സന്ദര്ശനത്തിന് കോണ്ഗ്രസും
January 17 | 12:54 PM
തിരുവനന്തപുരം: തെരഞ്ഞെടുപ്പിന് മുന്നോടിയായി സിപിഎം മോഡല് ഗൃഹ സന്ദര്ശനത്തിന് കോണ്ഗ്രസും. ഫെബ്രുവരി ഒന്നു മുതല് 20 വരെയാണ് പരിപാടി. മുതിര്ന്ന നേതാക്കളും പോഷകസംഘടനാ ഭാരവാഹികളും അടക്കം എല്ലാ കോണ്ഗ്രസ് പ്രവര്ത്തകരും ഗൃഹ സന്ദര്ശനത്തില് പങ്കെടുക്കും. കുടുംബാംഗങ്ങളുമായി സംസാരിക്കുകയും പരാതികളുണ്ടെങ്കില് കേള്ക്കുകയും വിനയപൂര്വം മറുപടി നല്കുകയും വേണമെന്നാണ് കെപിസിസി നിര്ദേശം. ‘138 ചലഞ്ച്’ എന്നു പേരിട്ട് നടത്തിവരുന്ന ധന സമാഹരണത്തിനും വീടുസന്ദര്ശനം പ്രയോജനപ്പെടുമെന്നാണ് വിലയിരുത്തല്. കോണ്ഗ്രസ് ആശയങ്ങള് പ്രചരിപ്പിക്കാന് ലഘുലേഖയും വിതരണം ചെയ്യും. ഫെബ്രുവരി 20 മുതല് ഒരു മാസം എല്ലാ ബൂത്തുകളിലൂടെയും കടന്നു പോകുന്ന പദയാത്രയും കോണ്ഗ്രസ് സംഘടിപ്പിക്കും. ഇതിനായി ഒരു നിയമസഭാമണ്ഡലത്തില് മൂന്നു നേതാക്കളെ വീതം പാര്ട്ടി ചുമതലപ്പെടുത്തി.