ഇന്ത്യയുടെ ബാലിസ്റ്റിക് മിസൈല് അഗ്നി-5 നൈറ്റ് ട്രയൽ വിജയകരം
December 16 | 11:10 AM
ഭുവനേശ്വർ: ഇന്ത്യയുടെ ആണവ-ഭൂഖണ്ഡാന്തര ബാലിസ്റ്റിക് മിസൈൽ അഗ്നി-5 നൈറ്റ് ട്രയൽ വിജയകരം. 5,400 കിലോമീറ്റർ ദൂരപരിധിയുള്ള മിസൈലിനു ചൈനയുടെ മുഴുവൻ ഭൂപരിധിയും ലക്ഷ്യമിടാനാകും. ഒഡിഷയില് വെച്ച് വൈകീട്ട് 5.30 നാണ് മിസൈല് പരീക്ഷിച്ചത്. മിസൈലില് പുതിയതായി ഉള്പ്പെടുത്തിയ സാങ്കേതിക വിദ്യകളും ഉപകരണങ്ങളും പരീക്ഷിക്കുന്നതിന് വേണ്ടിയാണ് അഗ്നി-5 ന്റെ നൈറ്റ് ട്രയല് നടത്തിയത്. അഗ്നി മിസൈല് പരമ്പരയിലെ അത്യാധുനിക പതിപ്പാണ് അഗ്നി-5. ഇന്ത്യയുടെ ഡിഫന്സ് റിസര്ച്ച് ആന്റ് ഡെവലപ്പ്മെന്റ് ഓര്ഗനൈസേഷന് (ഡിആര്ഡിഒ) ആണ് അഗ്നി-5 മിസൈല് വികസിപ്പിച്ചത്. 2012 ൽ ആദ്യമായി പരീക്ഷണ വിക്ഷേപണം നടത്തിയ അഗ്നി 5 മിസൈലിന്റെ ഒൻപതാം പരീക്ഷണമാണ് ഇന്നത്തേതെന്ന് പ്രതിരോധ മന്ത്രാലയം അറിയിച്ചു.