തൃക്കാക്കര കൂട്ടബലാത്സംഗക്കേസ്: സിഐ പി.ആര് സുനുവിനെ സര്വീസില് നിന്ന് പിരിച്ചുവിട്ടു
January 9 | 03:07 PM
തിരുവനന്തപുരം: ബലാത്സംഗം ഉൾപ്പടെ നിരവധി കേസിൽ പ്രതിയായ കോഴിക്കോട് ബേപ്പൂര് കോസ്റ്റല് പൊലീസ് സ്റ്റേഷനിലെ ഇന്സ്പെക്ടര് പി.ആർ സുനുവിനെ പൊലീസ് സേനയില് നിന്ന് പിരിച്ചുവിട്ടു. ഡിജിപി അനില്കാന്ത് ഇത് സംബന്ധിച്ച ഉത്തരവ് പുറപ്പെടുവിച്ചു. കേരള പൊലീസ് ആക്ടിലെ വകുപ്പ് 86 പ്രകാരമാണ് നടപടിയെടുത്തത്. ആദ്യമായാണ് ഈ വകുപ്പ് ഉപയോഗിച്ച് ഒരു പൊലീസ് ഉദ്യോഗസ്ഥനെ സേനയിൽ നിന്നും പിരിച്ചുവിടുന്നത്. 15 പ്രാവശ്യം വകുപ്പുതല നടപടിയും ആറ് സസ്പെൻഷനും നേരിട്ട ഉദ്യോഗസ്ഥനാണ് സുനു.
തുടർച്ചയായി കുറ്റകൃത്യം ചെയ്യുന്ന, ബലാൽസംഗം ഉൾപ്പെടെ ക്രിമിനൽ കേസിൽ പ്രതിയ വ്യക്തിക്ക് പൊലീസിൽ തുടരാൻ യോഗ്യതയില്ലെന്ന് നടപടിയെടുത്ത ഡിജിപി ഉത്തരവിൽ വ്യക്തമാക്കി.