സുഖോയ് യുദ്ധവിമാനത്തിൽ പറന്ന് രാഷ്ട്രപതി ദ്രൗപദി മുർമു
April 8 | 02:03 PM
തേസ്പൂർ: ഇന്ത്യൻ വ്യോമസേനയുടെ കരുത്തായ സുഖോയ് 30 എം.കെ.ഐ യുദ്ധവിമാനത്തിൽ പറന്ന് രാഷ്ട്രപതി ദ്രൗപദി മുർമു. ആസാമിലെ തേസ്പൂർ വ്യോമ കേന്ദ്രത്തിൽ നിന്നാണ് രാഷ്ട്രപതി യുദ്ധ വിമാനത്തിൽ യാത്ര ചെയ്തത്. ഏപ്രിൽ ആറു മുതൽ എട്ട് വരെ അസമിൽ സന്ദർശനം നടത്തുന്നതിന്റെ ഭാഗമായാണ് യുദ്ധ വിമാനത്തിലെ യാത്ര. ഗ്രൂപ്പ് ക്യാപ്റ്റൻ നവീൻ കുമാർ തിവാരിയാണ് രാഷ്ട്രപതിയെയും കൊണ്ട് വിമാനം പറത്തിയത്.
ഇന്ത്യൻ വ്യോമസേനയുടെ കിരീടമെന്ന് അറിയപ്പെടുന്ന യുദ്ധവിമാനമാണ് സുഖോയ് 30 എംകെഐ. മൂന്നുദിവസത്തെ സന്ദർശനത്തിനായി ആസാമിലെത്തിയ രാഷ്ട്രപതിയെ തേസ്പൂർ എയർബേസില് എയർമാര്ഷൽ എസ് പി ധർക്കർ, ഗവർണർ ഗുലാബ് ചന്ദ് കട്ടാരിയ, മുഖ്യമന്ത്രി ഹിമന്ദ് ബിശ്വ ശർമ എന്നിവർ ചേർന്ന് സ്വീകരിച്ചു.