ഖത്തർ ലോകകപ്പിൽ ഇന്ന് മൂന്ന് മത്സരങ്ങൾ; അർജന്റീന വൈകിട്ടിറങ്ങും
November 22 | 08:21 AM
ദോഹ: ലോകകപ്പ് ഫുട്ബോളില് ഇന്ന് മൂന്ന് മത്സരങ്ങൾ. ഗ്രൂപ്പ് സിയില് ഇന്ന് സൗദി അറേബ്യക്കെതിരെ ആണ് അര്ജന്റീനയുടെ ആദ്യ മത്സരം. വൈകിട്ട് 3.30നാണ് മത്സരം നടക്കുക. 6.30 ന് നടക്കുന്ന മത്സരത്തിൽ ഡെൻമാർക്ക്- ടുണീഷ്യയെ നേരിടും. 9.30 നുള്ള മത്സരത്തിൽ മെക്സിക്കോ പോളണ്ടിനെ നേരിടും.
അതേസമയം തന്റെ പരിക്കിനെക്കുറിച്ചും ഫിറ്റ്നെസിനെക്കുറിച്ചുമുള്ള വാര്ത്തകള്ക്ക് അടിസ്ഥാനമില്ലെന്ന് മത്സരത്തലേന്ന് ലയണൽ മെസി നടത്തിയ വാര്ത്താ സമ്മേളനത്തില് പറഞ്ഞു. പറഞ്ഞുകേട്ടതുപോലെയുള്ള ഒരു പ്രശ്നവും എനിക്കില്ല. ഞാന് പരിശീലനത്തില് പങ്കെടുത്തില്ലെന്നും ഒറ്റക്ക് പരിശീലനം നടത്തിയെന്നുമുള്ള വാര്ത്തകളും അഭ്യൂഹങ്ങളുമാണ്. ഈ ലോകകപ്പ് വളരെ സ്പെഷ്യലാണ്. ഇതെന്റെ അവസാന ലോകകപ്പാകാനാണ് സാധ്യത. എന്റെ അല്ല ഞങ്ങളുടെ സ്വപ്നസാക്ഷാത്കാരത്തിനുള്ള അവസാന അവസരം, ഞങ്ങളുടെ സ്വപ്നം യാഥാര്ത്ഥ്യമാക്കാന് ലഭിക്കുന്ന അവസരമാണെന്നും മെസി പറഞ്ഞു. അർജന്റീന കളത്തിലിറങ്ങാൻ ആവേശത്തോടെയാണ് ആരാധകർ കാത്തിരിക്കുന്നത്.