ടി-20 ലോകകപ്പ് കലാശപ്പോരിന് ഇംഗ്ലണ്ടും പാകിസ്ഥാനും; മഴസാധ്യത 100 ശതമാനം
November 13 | 06:58 AM
മെൽബൺ: രണ്ടാം ട്വന്റി20 ലോക കിരീടം ലക്ഷ്യമിട്ട് പാകിസ്ഥാനും ഇംഗ്ലണ്ടും ഇന്ന് കലാശപ്പോരിന് ഇറങ്ങും. ഇന്ത്യൻ സമയം ഉച്ചയ്ക്ക് 1.30നാണ് മത്സരം. അതേസമയം മത്സരം മഴയിൽ മുടങ്ങാനാണ് സാധ്യത. മെൽബണിൽ ഇന്ന് 100 ശതമാനം മഴസാധ്യതയാണ് പ്രവചിക്കപ്പെടുന്നത്. ന്യൂസീലൻഡിനെ 7 വിക്കറ്റിനു വീഴ്ത്തിയാണ് പാകിസ്താൻ ഫൈനലിലെത്തിയത്. സെമിഫൈനലിൽ ഇന്ത്യയെ 10 വിക്കറ്റിനു തകർത്തായിരുന്നു ഇംഗ്ലണ്ടിന്റെ ഫൈനൽ പ്രവേശനം. 2009ലാണ് പാകിസ്ഥാൻ ട്വന്റി20 ലോക കിരീടത്തിൽ ആദ്യം മുത്തമിടുന്നത്. ഇംഗ്ലണ്ട് 2010ലും. രണ്ടാം വട്ടം കിരീടം ആരുടെ കൈകളിലേക്ക് എന്നറിയാനുള്ള ആകാംക്ഷയിലാണ് ക്രിക്കറ്റ് ലോകം.