വിവാദങ്ങള്ക്കിടെ സിപിഐ(എം) കണ്ണൂര് ജില്ലാ നേതൃയോഗങ്ങള് ഇന്ന്
February 25 | 01:40 PM
കണ്ണൂർ: വിവാദങ്ങള്ക്കിടെ സിപിഐഎം കണ്ണൂര് ജില്ലാ നേതൃയോഗങ്ങള് ഇന്ന് ചേരും. ഇ പി ജയരാജനും പി ജയരാജനും യോഗത്തില് പങ്കെടുത്തേക്കും. ജില്ലാ കമ്മിറ്റി, ജില്ലാ സെക്രട്ടറിയേറ്റ് യോഗങ്ങളാണ് ഇന്ന് ചേരുന്നത്. വിവാദ വിഷയങ്ങള് യോഗത്തില് ചര്ച്ചയാകുമെന്നാണ് സൂചന.
രാവിലെ പത്ത് മണിക്കാണ് ജില്ലാ സെക്രട്ടറിയേറ്റ് യോഗം ചേരുക. അതിന് ശേഷമാകും ജില്ലാ കമ്മിറ്റി യോഗം. തില്ലങ്കേരി വിവാദം, ഇ.പി ജയരാജന്റെ സിപിഐഎം ജനകീയ പ്രതിരോധ ജാഥയിലെ അഭാവം, മൊറാഴയിലെ റിസോര്ട്ട് വിവാദത്തിലെ സാമ്പത്തിക ആരോപണം എന്നിവ നേതൃയോഗങ്ങളില് ചര്ച്ചയാകും.