നാഗ്പൂരിൽവെച്ച് മരിച്ച സൈക്കിൾ പോളോ താരം നിദ ഫാത്തിമയുടെ പോസ്റ്റ്മോർട്ടം ഇന്ന് നടക്കും
December 23 | 03:02 PM
നാഗ്പൂർ: നാഗ്പൂരിൽ വെച്ച് മരിച്ച സൈക്കിൾ പോളോ മലയാളി താരം നിദ ഫാത്തിമയുടെ പോസ്റ്റ്മോർട്ടം ഇന്ന് നടക്കും. ഭക്ഷ്യവിഷബാധയെന്നാണ് പ്രാഥമിക നിഗമനം. സംഭവത്തിൽ ദേശീയ സൈക്കിൾ പോളോ ഫെഡറേഷന്റെ വീഴ്ച്ച ചൂണ്ടിക്കാട്ടി അന്വേഷണം ആവശ്യപ്പെട്ട് ആലപ്പുഴ എംപി എ.എം ആരിഫ് മഹാരാഷ്ട്ര മുഖ്യമന്ത്രിക്ക് കത്തയച്ചു. നാഗ്പൂരിലെ മെഡിക്കൽ കോളജിലാണ് നിദ ഫാത്തിമയുടെ പോസ്റ്റുമോർട്ടം നടക്കുക. ഇതിന് ശേഷമേ മരണകാരണം സ്ഥിരീകരിക്കാനാവൂ. പോസ്റ്റുമോർട്ടം നടപടികൾ പൂർത്തിയാക്കിയ ശേഷം മൃതദേഹം ഇന്ന് തന്നെ വീട്ടിലെത്തിക്കാനാണ് ശ്രമം.
കേരള ടീമിന് താമസവും, ഭക്ഷണവും ഒരുക്കാൻ മടികാണിച്ച ദേശീയ ഫെഡറേഷനെതിരെ വലിയ പ്രതിഷേധമാണ് ഉയരുന്നത്.