ഇന്ത്യ-ചൈന സംഘർഷം: ചർച്ച വേണമെന്ന് കോൺഗ്രസ്; പാർലമെന്റ് ഇന്ന് പ്രക്ഷുബ്ധമായേക്കും
December 19 | 10:10 AM
ഡൽഹി: ഇന്ത്യ-ചൈന സംഘർഷ വിഷയത്തിൽ പാർലമെൻറ് ഇന്ന് പ്രക്ഷുബ്ധമായേക്കും. വിഷയത്തില് ചർച്ച ആവശ്യപ്പെട്ട് കോണ്ഗ്രസ് ഇന്ന് ലോക്സഭയിലും രാജ്യസഭയിലും നോട്ടീസ് നല്കും. ഭരണപക്ഷ ചർച്ചക്ക് തയ്യാറായില്ലെങ്കില് സഭ തടസ്സപ്പെടുത്താൻ നീക്കം ഉണ്ടായേക്കും. തുടർച്ചയായി നാല് ദിവസം വിഷയത്തില് കോണ്ഗ്രസ് ഉള്പ്പെടെയുള്ള പ്രതിപക്ഷ പാര്ട്ടികള് സഭ തടസ്സപ്പെടുത്തിയിരുന്നു. എന്നാല് രാഹുല് ഗാന്ധിയുടെ ചൈന പരാമർശം ഉന്നയിച്ച് പ്രതിപക്ഷത്തെ പ്രതിരോധിക്കാനാണ് ബിജെപിയുടെ തീരുമാനം. രാഹുലിന്റെ പരാമർശം ചൈനയ്ക്ക് അനുകൂലമാണെന്നാണ് ബിജെപി ആരോപിക്കുന്നത്.