വിഴിഞ്ഞം സമരത്തിൽ ബാഹ്യ ഇടപെടൽ സംബന്ധിച്ച് റിപ്പോർട്ടുണ്ട്: മന്ത്രി അഹമ്മദ് ദേവർ കോവിൽ
December 3 | 02:06 PM
തിരുവനന്തപുരം: വിഴിഞ്ഞം പദ്ധതി പ്രദേശത്ത് നടന്ന സമരത്തിൽ ബാഹ്യ ഇടപെടൽ സംബന്ധിച്ച് റിപ്പോർട്ടുണ്ടെന്ന് മന്ത്രി അഹമ്മദ് ദേവർ കോവിൽ. വിഴിഞ്ഞം സമരത്തിൽ ബാഹ്യ ഇടപെടൽ ഉണ്ട്. അത്തരം ഇടപെടൽ നടന്നതായി റിപ്പോർട്ടുണ്ട്. തീവ്രവാദ സംഘടനയുണ്ടോ എന്ന് പൊലീസ് അന്വേഷിക്കട്ടെയെന്നും അദ്ദേഹം പറഞ്ഞു. കേന്ദ്ര സേന വരുന്നതിൽ നിലപാട് കോടതിയെ അറിയിച്ചതാണ്. അക്കാര്യത്തിൽ കോടതി തീരുമാനിക്കട്ടെ. ചർച്ചയ്ക്ക് വാതിൽ തുറന്നിട്ടിരിക്കുകയാണ്. സർക്കാർ എപ്പോഴും ചർച്ചക്ക് തയാറാണ്. ഉന്നയിക്കുന്ന ആവശ്യങ്ങൾ പലതും ബാലിശമാണെന്നും മന്ത്രി പറഞ്ഞു.