കേരളത്തിലെ വിഷയങ്ങൾ സിപിഐഎം പോളിറ്റ് ബ്യൂറോ ചർച്ച ചെയ്യുമെന്ന് സീതാറാം യെച്ചൂരി
December 27 | 04:05 PM
ഡൽഹി: കേരളത്തിലെ വിഷയങ്ങൾ സിപിഐഎം പോളിറ്റ് ബ്യൂറോ ചർച്ച ചെയ്യുമെന്ന് സിപിഐഎം ജനറല്‍ സെക്രട്ടറി സീതാറാം യെച്ചൂരി. രണ്ട് ദിവസത്തെ സിപിഐഎം പോളിറ്റ് ബ്യൂറോ യോഗത്തില്‍ രാജ്യത്തെ പൊതു രാഷ്ട്രീയ സാഹചര്യം ചര്‍ച്ചയാകുമെന്ന് അദ്ദേഹം പറഞ്ഞു. ത്രിപുര ഉള്‍പ്പെടെയുള്ള സംസ്ഥാന തെരഞ്ഞെടുപ്പുകളും ജനുവരി അവസാനം നടക്കുന്ന കേന്ദ്ര കമ്മിറ്റിയും ചര്‍ച്ച ചെയ്യും. രാജ്യത്തെ പൊതു രാഷ്ട്രീയ സാഹചര്യവും കേരളത്തിലെ രാഷ്ട്രീയ സാഹചര്യവും ചര്‍ച്ചയാകുമെന്നും യെച്ചൂരി വ്യക്തമാക്കി. രാഷ്ട്രീയ സാഹചര്യം, കേന്ദ്രകമ്മിറ്റി എന്നിവയ്ക്ക് പുറമെ പ്രധാനപ്പെട്ട സംഘടനാ കാര്യങ്ങളും യോഗത്തില്‍ ചര്‍ച്ചയാകും.
