നാഗാലാൻഡിൽ ബിജെപി ഇന്ന് പ്രകടന പത്രിക പുറത്തിറക്കും
February 14 | 08:43 AM
കൊഹിമ: നാഗാലാൻഡിൽ ബിജെപി പ്രകടന പത്രിക ഇന്ന് പുറത്തിറക്കും. നാഗാലാൻഡിൽ 60 അംഗ നിയമ സഭയിലേക്ക് 40 സീറ്റുകളിൽ എൻഡിപിപിയും 20 സീറ്റിൽ ബിജെപിയുമാണ് മത്സരിക്കുന്നത്. ബിജെപി- എൻഡിപിപി സഖ്യ സ്ഥാനാർത്ഥികൾക്ക് വേണ്ടി ബിജെപി ദേശീയ അദ്ധ്യക്ഷൻ ജെ.പി നദ്ദ പങ്കെടുക്കുന്ന പൊതുസമ്മേളനവും കൊഹിമയിൽ നടക്കും. സമ്മേളനം ശക്തി പ്രകടനമാക്കി മാറ്റാനുള്ള ശ്രമത്തിലാണ് ബിജെപിയുടെയും എൻഡിപിപിയുടെയും നേതാക്കൾ. പ്രകടന പത്രിക പുറത്തിറക്കുന്ന പരിപാടിക്ക് ശേഷം ജെ.പി നദ്ദ മേഖലയയിൽ രണ്ട് പൊതു സമ്മേളനങ്ങളിലും പങ്കെടുക്കും.