ഇരിട്ടിയിൽ കടുവയെ കണ്ടെത്തി; ദൃശ്യങ്ങൾ പകർത്തി ചെത്തുതൊഴിലാളി
December 11 | 07:55 AM
കണ്ണൂർ: ഇരിട്ടി മേഖലയിൽ ഇറങ്ങിയ കടുവയുടെ ദൃശ്യം പകർത്തി. ആറളം ഫാമിലെ ചെത്ത് തൊഴിലാളി അനൂപാണ് കടുവയെ കണ്ടത്. അനൂപ് തെങ്ങിന് മുകളിൽ നിന്നാണ് മൊബൈലിൽ ദൃശ്യങ്ങൾ പകർത്തിയത്. ഇപ്പോൾ കടുവ ആറളം ഫാം ഒന്നാം ബ്ലോക്കിലാണ് ഉള്ളത്.
ഫാമിന് ചുറ്റും കാടുമൂടിയ പ്രദേശങ്ങളാണ്. രാത്രിയിൽ കടുവയെ കണ്ടെത്തൽ അതിനാൽ തന്നെ പ്രയാസമാകും. നിരവധി പട്ടികവർഗ കുടുംബങ്ങൾ ഇവിടെ കഴിയുന്നുണ്ട്. ഇവർക്ക് ജാഗ്രതാ നിർദേശം നൽകി. ആളുകൾ കടുവയെ എട്ടിടങ്ങളിലായി കണ്ടിട്ടുണ്ട്. രണ്ട് വയസ്സ് പ്രായമായ കടുവയാണ് ഇതെന്നാണ് കാൽപ്പാട് പരിശോധിച്ചതിൽ നിന്ന് വനംവകുപ്പ് കണ്ടെത്തിയിരിക്കുന്നത്.