ഐക്യവും സമാധാനവും നിലനിൽക്കണം, കൊവിഡിനെതിരെ കരുതലോടെ ആഘോഷങ്ങളിൽ പങ്കുചേരാം;പുതുവത്സര ആശംസ നേര്ന്ന് മുഖ്യമന്ത്രി
December 31 | 06:27 PM
തിരുവനന്തപുരം: ലോകമെങ്ങുമുള്ള മലയാളികള്ക്ക് പുതുവത്സര ആശംസ നേര്ന്ന് മുഖ്യമന്ത്രി പിണറായി വിജയന്. സമത്വവും സൗഹാര്ദ്ദവും പുരോഗതിയും പുലരുന്ന പുതുവർഷത്തെ പ്രതീക്ഷിക്കാം. ഐക്യത്തിനും സമാധാനത്തിനും ഭംഗം വരുത്താൻ ശ്രമിക്കുന്ന പ്രതിലോമ ശക്തികളെ കൂട്ടായി ഒറ്റപ്പെടുത്തേണ്ടതുണ്ടെന്നും അതിനായി കൂടുതൽ കരുത്തോടെ ഒരുമിച്ച് നീങ്ങാമെന്നും മുഖ്യമന്ത്രി പറഞ്ഞു.
കൊവിഡിന്റെ പുതിയ വകഭേദം ഭീഷണി ഉയർത്തി മുന്നിലുണ്ട്. ഈ വകഭേദത്തിന് വലിയ വ്യാപനശേഷി ഉണ്ടെന്നാണ് പഠനങ്ങൾ സൂചിപ്പിക്കുന്നത്. പുതുവർഷത്തെ വരവേൽക്കുന്നതിനായുള്ള ആഘോഷങ്ങൾക്കിടയിലും രോഗപ്പകർച്ച ഉണ്ടാവാതിരിക്കാനുള്ള ജാഗ്രത ഏവരും പുലർത്തണം. കരുതലോടെ നമുക്ക് ആഘോഷങ്ങളിൽ പങ്കുചേരാം. ഏവർക്കും പുതുവത്സരാശംസകൾ’ മുഖ്യമന്ത്രി ആശംസിച്ചു.