ശബരിമലയിൽ ദർശന സമയം ഒരു മണിക്കൂർ നീട്ടി; പാർക്കിങ്ങിന് കൂടുതൽ സൗകര്യം ഒരുക്കാനും തീരുമാനം
December 12 | 12:54 PM
തിരുവനന്തപുരം: ശബരിമലയിലെ തിരക്ക് നിയന്ത്രിക്കാൻ നടപടി. തീർത്ഥാടകർക്ക് തൃപ്തികരമായ ദർശനം ഉറപ്പാക്കാൻ പ്രതിദിന തീർത്ഥാടകരുടെ എണ്ണം പരിമിതപ്പെടുത്തി. ദർശന സമയം ഒരു മണിക്കൂർ നീട്ടി. പാർക്കിങ്ങിന് കൂടുതൽ സൗകര്യം ഒരുക്കും. പ്രതിദിന ദർശനം 90,000 ആയി പരിമിതപ്പെടുത്താനും മുഖ്യമന്ത്രി വിളിച്ച ഉന്നതതല യോഗത്തിൽ തീരുമാനമായി.
ദേവസ്വം മന്ത്രി കൂടി പങ്കെടുത്ത് ആഴ്ച തോറും ഉന്നതതല യോഗം ചേർന്ന് നടപടിക്രമങ്ങൾ വിലയിരുത്തും. കൊവിഡ് കാലത്തെ നിയന്ത്രണങ്ങളെല്ലാം നീക്കിയതോടെ ശബരിമലയിൽ ഇത്തവണ വൻ ഭക്തജനത്തിരക്കാണ് അനുഭവപ്പെടുന്നത്.