പാനൂരിൽ കൂർമ്പക്കാവിലെ ഉത്സവത്തിനിടെ കോൺഗ്രസ്- ബിജെപി സംഘർഷം; നാല് പേർക്ക് പരിക്ക്
January 16 | 02:36 PM
കണ്ണൂർ: പാനൂരിൽ കോൺഗ്രസ്-ബിജെപി സംഘർഷം. പന്ന്യന്നൂർ കൂർമ്പക്കാവിലെ ഉത്സവത്തിനിടെയാണ് സംഘർഷമുണ്ടായത്. നാല് പേർക്ക് സംഘർഷത്തിൽ പരിക്കേറ്റു. സംഘർഷത്തിൽ യൂത്ത് കോൺഗ്രസ് പ്രവർത്തകൻ സന്ദീപിന് ഗുരുതരമായി പരിക്കേറ്റു. ആർഎസ്എസ് പ്രവർത്തകരായ അനീഷ്, അതുൽ എന്നിവർക്കും പരിക്കേറ്റിട്ടുണ്ട്. പരസ്പരം നൽകിയ പരാതിയിന്മേൽ ഇരു വിഭാഗത്തിനെതിരെയും പാനൂർ പോലീസ് കേസെടുത്തു.