October 28 | 05:49 AM

തിരുവനന്തപുരം: മന്ത്രി കെ.എൻ. ബാലഗോപാലിൽ പ്രീതിയില്ലെന്നും അദ്ദേഹത്തെ മന്ത്രിസഭയിൽനിന്ന് ഒഴിവാക്കണമെന്നുമുള്ള ഗവർണറുടെ ആവശ്യം മുഖ്യമന്ത്രി നിരസിച്ചതോടെ തുടർനടപടി തത്കാലം ഉണ്ടാകില്ല. എന്നാൽ, ഇതുസംബന്ധിച്ച് ഉണ്ടാകാവുന്ന കേസുകളാണ് തുടർനടപടി നിർവചിക്കുക. ഒരു മന്ത്രിയിൽ തനിക്ക് പ്രീതിയില്ലെന്ന് ഗവർണർ വ്യക്തമാക്കുകയും മുഖ്യമന്ത്രി അദ്ദേഹത്തെ മന്ത്രിസഭയിൽ നിലനിർത്തുകയും ചെയ്യുന്നത് കോടതിയിൽ ചോദ്യംചെയ്യപ്പെടാം. പൊതുതാത്പര്യ ഹർജിവഴിയാകും ഇക്കാര്യം കോടതിയിലെത്തുക. രാജ്യത്താദ്യമായാണ് ഒരു മന്ത്രിയിൽ തനിക്ക് പ്രീതി നഷ്ടമായെന്ന് ഗവർണർ വ്യക്തമാക്കുന്നത്. അതുകൊണ്ടുതന്നെ ദേശീയതലത്തിൽ ശ്രദ്ധയാകർഷിക്കുന്ന ഒരു വലിയ നിയമപോരാട്ടമായി ഇതു മാറാം.