അരോളി ഗവ. ഹയർ സെക്കണ്ടറി സ്കൂൾ കെട്ടിടം ഉദ്ഘാടനം ചെയ്തു
November 29 | 12:32 AM
കണ്ണൂർ: പാപ്പിനിശ്ശേരി അരോളി ഗവ. ഹയർ സെക്കണ്ടറി സ്കൂളിന് പുതുതായി നിർമിച്ച കെട്ടിടം പൊതുവിദ്യാഭ്യാസ വകുപ്പ് മന്ത്രി വി ശിവൻകുട്ടി ഉദ്ഘാടനം ചെയ്തു. പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി സംസ്ഥാന സർക്കാർ കിഫ്ബിയിലൂടെ അനുവദിച്ച ഒരു കോടി രൂപ ചെലവിലാണ് കെട്ടിടം നിർമ്മിച്ചത്.
ആറു ക്ലാസ് മുറികളുള്ള ഇരുനില കെട്ടിടമാണ് ഒരുക്കിയത്. കിലയാണ് പ്രവൃത്തിയുടെ സാങ്കേതിക മേൽനോട്ടവും നിർവ്വഹണവും നടത്തിയത്. ചടങ്ങിൽ കെ വി സുമേഷ് എം എൽ എ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡണ്ട് പി പി ദിവ്യ മുഖ്യാതിഥിയായി. കണ്ണൂർ ബ്ലോക്ക് അസി. എക്സിക്യൂട്ടീവ് എഞ്ചിനിയർ പി എ ലജിത റിപ്പോർട്ട് അവതരിപ്പിച്ചു. കണ്ണൂർ ബ്ലോക്ക് പഞ്ചായത്ത് പ്രസിഡണ്ട് കെ സി ജിഷ, സ്ഥിരംസമിതി അധ്യക്ഷ പി വി അജിത, പാപ്പിനിശ്ശേരി പഞ്ചായത്ത് പ്രസിഡണ്ട് എ വി സുശീല, വൈസ് പ്രസിഡണ്ട് കെ പ്രദീപ്കുമാർ, ആർഡിഡി ഇൻ ചാർജ് വി അജിത, ഡിഡിഇ വി എ ശശീന്ദ്രവ്യാസ്, പൊതുവിദ്യാഭ്യാസ സംരക്ഷണ യജ്ഞം ജില്ലാ കോഓർഡിനേറ്റർ പി വി പ്രദീപൻ, കണ്ണൂർ ഡിഇഒ കെ സുനിൽകുമാർ, എഇഒ വി വി വിനോദ്കുമാർ, എസ്എസ്കെ ബിപിസി കെ പ്രകാശൻ, വിഷൻ ട്വന്റി 20 ചെയർമാൻ കെ നാരായണൻ, പിടിഎ പ്രസിഡണ്ട് ടി അജയൻ, എൽ വി മുഹമ്മദ്, കെ വി അരുണ, കെ സി മഹേഷ്, എം മനോജ്കുമാർ, കെ വി ഷീജ, കെ വി ഗിരിജ, പ്രധാന അധ്യാപിക പി പി റിമ, പ്രിൻസിപ്പൽ കെ വി സുരേന്ദ്രൻ എന്നിവർ സംസാരിച്ചു.