തുർക്കിയിലും സിറിയയിലുമുണ്ടായ വമ്പൻ ഭൂകമ്പങ്ങളിൽ മരണ സംഖ്യ 4,800 കടന്നു; 6000ഓളം കെട്ടിടങ്ങൾ നിലംപൊത്തി; സഹായവുമായി ലോകം
February 7 | 09:21 PM
ഇസ്താംബുള്: തുര്ക്കിയിലും സിറിയയിലും ഉണ്ടായ വമ്പന് ഭൂകമ്പങ്ങളില് മരിച്ചവരുടെ എണ്ണം 4,800 ആയി. ഇരു രാജ്യങ്ങളിലും രക്ഷാപ്രവർത്തനം തുടരുന്നു. എട്ടു മടങ്ങായി മരണസംഖ്യ ഉയരുമെന്ന് ലോകാരോഗ്യസംഘടന അറിയിച്ചു. 18,000ഓളം പേര്ക്ക് ഭൂചനത്തിൽ പരിക്കേറ്റിട്ടുണ്ടെന്നാണ് റിപ്പോർട്ട്. 6000ഓളം കെട്ടിടങ്ങളാണ് ഭൂചനത്തിൽ തകർന്നത്. ദുരന്തഭൂമിയിലേക്ക് നിരവധി രാജ്യങ്ങളാണ് സഹായവാഗ്ദാനം നൽകിയിരിക്കുന്നു. ഇന്ത്യയുൾപ്പെടെയുള്ള രാജ്യങ്ങളിൽ നിന്ന് ദുരന്തനിവാരണ സംഘം സിറിയിലെത്തിയിട്ടുണ്ട്.
തുർക്കിയിൽ 3,381 മരിക്കുകയും 14,483 പേർക്ക് പരിക്കേൽക്കുകയും ചെയ്തു. സിറിയയിൽ 1,444 പേര് മരിക്കുകയും ആയിരത്തോളം പേർക്ക് പരിക്കേൽക്കുകയും ചെയ്തതായി അധികൃതർ അറിയിച്ചു. ജർമ്മനി, സ്വിറ്റ്സർലൻഡ്, ഹംഗറി, ഗ്രീസ് തുടങ്ങിയ രാജ്യങ്ങളിൽനിന്നുള്ള രക്ഷാപ്രവർത്തകർ തുർക്കിയിലേക്ക് തിരിച്ചു. ഇന്ത്യ ഉൾപ്പെടെ 45 ലോകരാജ്യങ്ങളാണ് മരുന്ന് ഉൾപ്പെടെയുള്ള സഹായം വാഗ്ദാനം ചെയ്തിരിക്കുന്നത്. നിരവധി കെട്ടിടങ്ങള് നിലംപൊത്തി. ധാരാളം പേര് ഇതിനുള്ളില് കുടുങ്ങിക്കിടക്കുന്നതായും റിപ്പോര്ട്ടുകളുണ്ട്. ലെബനനിലും സൈപ്രസിലും ചലനം അനുഭവപ്പെട്ടു.
എമര്ജന്സി മെഡിക്കല് ടീം നെറ്റ്വര്ക്കുകള് പ്രവര്ത്തന നിരതമാണെന്നും ദുരന്തത്തില് പരിക്കേറ്റവര്ക്ക് പ്രാഥമിക ചികിത്സ നടത്തിവരുന്നതായും ലോകാരോഗ്യ സംഘടന അറിയിച്ചു. 24 മണിക്കൂറും പ്രവര്ത്തിക്കുന്ന കോര്ഡിനേഷന് സെന്റര് പ്രവര്ത്തനം ആരംഭിച്ചതായും എമര്ജന്സി സാറ്റലൈറ്റ് മാപ്പിങ് അടക്കമുള്ള സേവനങ്ങള് ആരംഭിച്ചതായും യൂറോപ്യന് യൂണിയന് അറിയിച്ചു.
തുര്ക്കിയിലെ ജനങ്ങള്ക്ക് ആവശ്യമായ സഹായങ്ങള് നല്കാന് സന്നദ്ധമാണെന്ന് യുക്രെയ്ന് അറിയിച്ചു. നൂറു രക്ഷാ പ്രവര്ത്തകരുമായി തങ്ങളുടെ ഐഎല് 76 എയര്ക്രാഫ്റ്റ് ഉടന് സിറിയയില് എത്തുമെന്ന് റഷ്യ അറിയിച്ചു. തുര്ക്കിയിലേക്കും ആവശ്യമെങ്കില് രക്ഷാ പ്രവര്ത്തകരെ വിടാന് സന്നദ്ധമാണെന്നും റഷ്യ അറിയിച്ചു.