ബദിയടുക്കയിലെ ഡോക്ടര് കര്ണാടകയിലെ റെയില്വേ ട്രാക്കില് മരിച്ച നിലയില്, 5 പേര് കസ്റ്റഡിയില്
November 11 | 08:32 AM
കാസര്കോട്: ബദിയടുക്കയിലെ ദന്തഡോക്ടര് റെയില്വേ ട്രാക്കില് മരിച്ച നിലയില്. സംഭവത്തില് അഞ്ചു പേരെ പോലീസ് കസ്റ്റഡിയിലെടുത്തു. കര്ണാടകയിലെ കുന്താപുരത്ത് ഇന്നലെയാണ് ഡോക്ടര് കൃഷ്ണമൂര്ത്തിയെ (52) മരിച്ച നിലയില് കണ്ടെത്തിയത്.
ക്ലിനിക്കിലെത്തിയ യുവതിയോട് അപമര്യാദയായി പെരുമാറിയതിന് ബദിയടുക്ക പൊലീസ് ഡോക്ടര്ക്കെതിരെ കേസെടുത്തിരുന്നു. ഇതിന് പിന്നാലെ കഴിഞ്ഞ ചൊവ്വാഴ്ച മുതൽ ഡോക്ടറെ കാണാതായി. ബൈക്കുമെടുത്ത് ക്ലിനിക്കില് നിന്നും പോകുകയായിരുന്നു.
പിന്നീട് ബൈക്ക് നഗരത്തില് നിന്നും കണ്ടെത്തി. അപമര്യാദയായി പെരുമാറി എന്നാരോപിച്ച് പരാതി നല്കിയ യുവതിയുടെ ബന്ധുക്കള് ക്ലിനിക്കിലെത്തി ഡോക്ടറെ ഭീഷണിപ്പെടുത്തിയിരുന്നു. ഇവരെയാണ് പൊലീസ് കസ്റ്റഡിയിലെടുത്തത്. ഇവര്ക്കെതിരെ ആത്മഹത്യാ പ്രേരണാക്കുറ്റം ചുമത്തി കേസെടുക്കുമെന്ന് പൊലീസ് പറഞ്ഞു.