തണുത്തുറഞ്ഞ് മൂന്നാർ; താപനില മൈനസ് ഡിഗ്രിയിലെത്തി
January 11 | 10:04 AM
മൂന്നാർ: മൂന്നാറിലെ താപനില മൈനസ് ഡിഗ്രിയിലെത്തി. കണ്ണന്ദേവന് കമ്പനി ചെണ്ടുവര എസ്റ്റേറ്റില് ഇന്നലെ മൈനസ് രണ്ടു ഡിഗ്രി സെല്ഷ്യസ് താപനിലയാണ് രേഖപ്പെടുത്തിയത്. ചെണ്ടുവരയില് ഇന്നലെ മഞ്ഞുവീഴ്ചയുമുണ്ടായി.
ഫാക്ടറി ഡിവിഷനിലെ പുല്മേട്ടിലായിരുന്നു മഞ്ഞു വീഴ്ച. സീസണിലെ ഏറ്റവും കുറഞ്ഞ താപനിലയാണ് ഇന്നലെ ചെണ്ടുവരയില് രേഖപ്പെടുത്തിയത്. മൂന്നാര് ടൗണ്, നല്ലതണ്ണി എന്നിവിടങ്ങളില് രണ്ടു ഡിഗ്രി സെല്ഷ്യസായിരുന്നു താപനില. കന്നിമല, ചെണ്ടുവാര, ചിറ്റുവാര, എല്ലപ്പെട്ടി, ലക്ഷ്മി, സെവൻമല, ലോക്കാട് എന്നിവടങ്ങളിലാണ് തണുപ്പ് മൈനസ് ഒന്നിൽ എത്തിയത്.
ബുധനാഴ്ച പുലർച്ചെ മൂന്നാറിലും പരിസര പ്രദേശങ്ങളിലും കടുത്ത തണുപ്പാണ് അനുഭവപ്പെട്ടത്. പുലർച്ചെ മഞ്ഞുമൂടിയ പുൽമേടുകൾ സന്ദർശിക്കുവാൻ നിരവധി സഞ്ചാരികളുമെത്തി.
കേരള തമിഴ്നാട് അതിർത്തി ഗ്രാമമായ വട്ടവടയിലും കടുത്ത തണുപ്പാണ് ഇത്തവണ രേഖപ്പെടുത്തിയത്. വട്ടവടയിലും മൈനസ് ഡിഗ്രിയിൽ തന്നെയാണ് തണുപ്പ്. ഡിസംബര് ആദ്യവാരം മുതല് മൂന്നാര് മേഖലയില് അതിശൈത്യമാണ് അനുഭവപ്പെടുന്നത്.