കോഴിക്കോട് കുറ്റിക്കാട്ടൂരിൽ നിന്ന് കാണാതായ വീട്ടമ്മയെ കൊലപ്പെടുത്തിയെന്ന് യുവാവിന്റെ മൊഴി
November 13 | 01:41 PM
കോഴിക്കോട്: കോഴിക്കോട് കുറ്റിക്കാട്ടൂരിൽ നിന്ന് കാണാതായ വീട്ടമ്മയെ കൊലപ്പെടുത്തിയെന്ന് യുവാവിന്റെ മൊഴി. ഈ മാസം ഏഴിനാണ് കുറ്റിക്കാട്ടൂര് വെളിപറമ്പ് സ്വദേശി സൈനബയെ (57) കാണാതായത്. ഇതുമായി ബന്ധപെട്ട് പൊലീസ് കസ്റ്റഡിയിലുള്ള യുവാവാണ് സ്ത്രീയെ കഴുത്തുഞെരിച്ച് കൊലപ്പെടുത്തിയശേഷം നാടുകാണി ചുരത്തിലെ കൊക്കയില് തള്ളിയെന്ന മൊഴി നൽകിയത്. സൈനബയില്നിന്ന് സ്വര്ണാഭരണങ്ങള് കവരുന്നതിനായാണ് കൊലനടത്തിയതത്രെ. ഇതേതുടര്ന്ന് മൃതദേഹം വീണ്ടെടുക്കാന് കോഴിക്കോട് കസബ പൊലീസ് നാടുകാണി ചുരത്തിലേക്ക് തിരിച്ചു. സംഭവത്തില് മലപ്പുറം സ്വദേശിയായ യുവാവിനെയാണ് പൊലീസ് കസ്റ്റഡിയിലെടുത്തിരിക്കുന്നത്.