കണ്ണൂര്‍ പാറക്കണ്ടിയില്‍ വയോധികയുടെ വീട് കത്തിച്ച പ്രതി പിടിയില്‍
January 18 | 01:26 PM
കണ്ണൂര്‍: പാറക്കണ്ടിയില്‍ തനിച്ച് താമസിക്കുന്ന ശ്യാമളയുടെ വീട് കത്തിച്ച സംഭവത്തില്‍ ഒരാള്‍ അറസ്റ്റില്‍. അയല്‍വാസി സതീഷ് ഉണ്ണിയാണ് പിടിയിലായത്. വ്യക്തി വിരോധമാണ് വീട് കത്തിച്ച് നശിപ്പിക്കാൻ കാരണമെന്ന് പോലീസ് പറഞ്ഞു. ടൗണ്‍ സിഐ ബിനു മോഹന്റെ നേതൃത്വത്തില്‍ എസ്ഐമാരായ അരുൺ നാരായൺ, സി.എച്ച് നസീബ് എന്നിവരടങ്ങുന്ന സംഘമാണ് പ്രതിയെ പിടികൂടിയത്.
തിങ്കളാഴ്ച പുലര്‍ച്ചെയാണ് ശ്യാമളയുടെ വീട് കത്തിച്ചത്. ആക്രി സാധനങ്ങള്‍ കൂട്ടിയിടുന്നതുമായി ബന്ധപ്പെട്ട വിദ്വേഷമാണ് തീവെപ്പിന് കാരണം.
