മേയറെ റബ്ബര് സ്റ്റാമ്പാക്കിയത് ആനാവൂര് നാഗപ്പന് ഭരിക്കാന്: കെ.മുരളീധരന്
November 16 | 12:58 PM
തിരുവനന്തപുരം: ആനാവൂര് നാഗപ്പന് ഭരിക്കാനാണ് മേയർ ആര്യ രാജേന്ദ്രനെ
റബ്ബര് സ്റ്റാമ്പാക്കിയതെന്ന് കെ മുരളീധരന്. ഇതുപറയുമ്പോള് തനിക്കെതിരെ വക്കീല് നോട്ടീസ് വന്നേക്കും, എന്നാലും തുറന്നുപറയുമെന്നും മുരളീധരന് പറഞ്ഞു. നഗരസഭയുമായി ബന്ധപ്പെട്ട് പുറത്തുവന്ന കത്ത് വ്യാജമാണെങ്കില് അതാരുണ്ടാക്കി എന്നുകണ്ടെത്തണം. എല്ഡിഎഫ് രാജ്ഭവനെതിരായി നടത്തിയ മാര്ച്ചിനെയും കെ മുരളീധരന് വിമര്ശിച്ചു. വെള്ളായണി പരമു ഇത്തിക്കരപ്പക്കിക്കെതിരെ സമരം ചെയ്ത പോലെയാണ് എല്ഡിഎഫിന്റെ രാജ്ഭവന് സമരം. രണ്ടുപേരും കളളന്മാരാണ്. ഒരാള് കാവിവത്ക്കരണം നടത്താനും മറ്റേയാള് മാര്ക്സിസ്റ്റ്വത്ക്കരണം നടത്താനുമാണ് ശ്രമിക്കുന്നത്. ഇത് രണ്ടും അനുവദിക്കില്ലെന്നാണ് യുഡിഎഫ് നിലപാടെന്നും അദ്ദേഹം കൂട്ടിച്ചേർത്തു.