ഒടുവില് കൂട്ടിൽ കുടുങ്ങി; മീനങ്ങാടിയിൽ ഭീതി പരത്തിയ കടുവ പിടിയില്
November 17 | 07:58 AM
വയനാട്: വയനാട് മീനങ്ങാടിയില് ഭീതി പരത്തിയ കടുവയെ പിടികൂടി. ഇന്ന് പുലര്ച്ചയോടെയാണ് കുപ്പമുടി എസ്റ്റേറ്റ് പൊന്മുടി കോട്ടയിൽ വച്ച കൂട്ടില് കടുവ കുടുങ്ങിയത്. കടുവയെ എസ്റ്റേറ്റില് നിന്ന് മാറ്റുന്നതിനുള്ള ക്രമീകരണങ്ങള് പുരോഗമിക്കുകയാണ്. കടുവ കൂട്ടില് കുടുങ്ങിയത് കാണാനായി നിരവധി ജനങ്ങളാണ് കൂടിനരികെ തടിച്ചുകൂടിയത്. കടുവയ്ക്ക് എന്തെങ്കിലും തരത്തിലുള്ള ശാരീരിക അവശതകളുണ്ടോയെന്ന് ഉടന് പരിശോധിക്കും. അതേസമയം കൃഷ്ണഗിരി ഉള്പ്പെടെയുള്ള പ്രദേശത്ത് ആക്രമണം നടത്തിയ കടുവ തന്നെയാണോ കുടുങ്ങിയതെന്ന് സ്ഥിരീകരിച്ചിട്ടില്ല.