ഷാരോൺ കൊലപാതകം: ഗ്രീഷ്മ ആത്മഹത്യയ്ക്ക് ശ്രമിച്ചു
October 31 | 10:03 AM
പാറശാല: ഷാരോൺ രാജ് കൊലപാതകത്തിലെ മുഖ്യപ്രതി ഗ്രീഷ്മ ആത്മഹത്യയ്ക്ക് ശ്രമിച്ചു. ഛർദ്ദിച്ചതിനെ തുടർന്ന് ആശുപത്രിയിലേക്ക് മാറ്റി.
പോലീസ് സ്റ്റേഷനിലെ ശുചിമുറിയിൽ പോയി വന്ന ശേഷമായിരുന്നു ഗ്രീഷ്മ ഛർദ്ദിച്ചത്. ശുചിമുറിയിൽ വെച്ച് അണുനാശിനി (ലൈസോൾ) കഴിച്ചതായാണ് ഗ്രീഷ്മ പറഞ്ഞത്. കേസിൽ ഇന്ന് തെളിവെടുപ്പ് നടത്താനിരിക്കുകയായിരുന്നു. അതേസമയം ഗ്രീഷ്മയുടെ അറസ്റ്റ് രേഖപ്പെടുത്തിയിട്ടുണ്ട്. പാറശാലയിലെ വീട്ടിലേക്ക് തെളിവെടുപ്പിനായി കൊണ്ടുവരാനിരിക്കെയാണ് ‘ആത്മഹത്യാ’ ശ്രമം. ഗ്രീഷ്മ കുറ്റസമ്മതം നടത്തിയെങ്കിലും കൂടുതല് തെളിവെടുപ്പ് നടത്തേണ്ടതുണ്ടെന്ന് പൊലീസ് പറഞ്ഞു.