November 20 | 07:21 AM

ശബരിമല: മണ്ഡലകാലം തുടങ്ങി കഴിഞ്ഞ നാല് ദിവസത്തിനുള്ളിൽ അയ്യപ്പ ദർശനത്തിനായി ശബരിമലയിലെത്തിയത് രണ്ടേമുക്കാൽ ലക്ഷം തീർത്ഥാടകർ. അന്യസംസ്ഥാന തീർത്ഥാടകരാണ് കൂടുതലായും ദർശനത്തിനായി എത്തിയത്. അവധി ദിവസങ്ങളിൽ വീണ്ടും തിരക്ക് വർധിക്കാനാണ് സാധ്യത. ഇനിയുള്ള ദിവസങ്ങളിൽ ഭക്തരുടെ എണ്ണം വർധിക്കുമെന്നാണ് ഓൺലൈൻ കണക്കുകൾ നൽകുന്ന വിവരം. നടതുറന്ന ദിവസം 26378 പേരാണ്. അൻപതിനായിരത്തിലധികം ഭക്തരാണ് കഴിഞ്ഞ രണ്ട് ദിവസങ്ങളിലായി വെർച്വൽ ക്യൂബുക്ക് ചെയ്ത പതിനെട്ടാം പടി ചവിട്ടിയത്. തിരക്ക് കണക്കിലെടുത്ത് ക്ഷേത്രത്തിലെ സമയക്രമത്തിലും നിലവിൽ മാറ്റം വരുത്തിയിട്ടുണ്ട്. പുലർച്ചെ മൂന്ന് മണിക്ക് ക്ഷേത്രം തുറക്കുകയും ഉച്ചക്ക് ഒരു മണിക്ക് നട അടയ്ക്കുകയുമാണ് ചെയ്യുന്നത്.