സംസ്ഥാനത്ത് മഴ കുറയുന്നു, റെഡ് അലര്‍ട്ട് പിന്‍വലിച്ചു
August 3 | 06:50 PM
തിരുവനന്തപുരം: സംസ്ഥാനത്ത് മഴ കുറയുന്നു. വിവിധ ജില്ലകളിലെ റെഡ് അലര്‍ട്ട് പിന്‍വലിച്ചു. നേരത്തെ മൂന്ന് ജില്ലകളില്‍ അതിതീവ്രമഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കിയിരുന്നു. കോട്ടയം, എറണാകുളം, ഇടുക്കി ജിലകളിലാണ് അലര്‍ട്ട് പ്രഖ്യാപിച്ചിരുന്നത്. ഇതും കൂടി പിന്‍വലിച്ചതോടെ ഇന്ന് സംസ്ഥാനത്ത് ഒരിടത്തും റെഡ് അലര്‍ട്ട് ഇല്ല.
അതേസമയം തീവ്രമഴ വ്യാഴാഴ്ചയും തുടരുമെന്ന് കാലാവസ്ഥ വകുപ്പ് അറിയിച്ചു. 11 ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചിരിക്കുകയാണ്. തിരുവനന്തപുരം, കൊല്ലം, കാസര്‍ഗോഡ് ഒഴികെയുള്ള ജില്ലകളിലാണ് ഓറഞ്ച് അലര്‍ട്ട് പ്രഖ്യാപിച്ചിരിക്കുന്നത്. നാളെ പത്തനംതിട്ട മുതല്‍ കാസര്‍ഗോഡ് വരെ 12 ജില്ലകളിലാണ് ഓറഞ്ച് അലര്‍ട്ട്. തിരുവനന്തപുരത്തും കൊല്ലത്തും മാത്രമാണ് യെല്ലോ അലര്‍ട്ട്.
